蒸肉餅

騰哥教煮 古法蒸肉餅

2009-09-10

【東方日報專訊】肉餅大家真係整得多，但係知唔知點解屋企啲私房菜永遠做唔到酒樓嗰種「彈牙」得嚟又香噴噴的效果，其實秘訣就在於幾隻鮮蝦同埋一匙糖。

先 將新鮮够赤肉切粒，並剁成肉碎，混入少許糖，用力撻至起膠。然後揀選新鮮蝦肉，先去殼及蝦腸，再拍薑似的將蝦肉拍扁，繼而用刀背剁至蝦肉起膠。然後將蝦肉 混入肉餅之中，喺不斷撻的同時，加入上湯同少許生粉。反覆咁撻至連肉餅都起膠之後，加入少量麻油、生油、糖及自己喜愛的材料（例如：冬菇、墨魚），最後將 肉餅放入沸水中，隔水蒸10分鐘，喜歡食葱的朋友可以加少少喺面，一碟又香又彈牙的肉餅就完成。

貼士：

1. 必須於放入調味料前將肉餅撻至起膠。

2. 混入蝦肉會令肉餅更鮮更彈牙。

3. 少許糖能夠將肉味發揮得更淋漓盡致。

4. 不斷撻的同時要用同一個方向。

材料:

新鮮够赤肉（7成瘦3成肥）

蝦肉 8隻

馬蹄粒 1両

葱粒 少量

冬菇粒 少量

調味料:

糖 半茶匙

麻油 1/4茶匙

生油 半茶匙

上湯 半碗

家用潮物：皺紋冇有怕

皺 紋─男人有是成熟，女人有就是年華已去，而對於一件衫嚟講，有就代表個主人懶到飛起，對儀容絕對放任。其實熨衫都可以好輕鬆，Panasonic推出最新 「快‧輕鬆」蒸氣熨斗，其嶄新設計的雙向弧形底板，能全方位順滑熨衣，輕易應付衣領及袖口上難以消除的皺摺，有效節省1/4熨衣時間，過程輕鬆快捷。三款 最新型號熨斗均配備1,850瓦特特強功率輸出，當中W650CS更備有陶瓷塗層底板，比一般不銹鋼底板耐用6倍，熨衣過程亦更見順滑。

撰文：黎家榮

騰哥Profile現代飲食協會副主席，新明苑飲食集團董事總經理，具備30年鑽研飲食經驗，很多城中名廚皆為其入室弟子，堪稱飲食界嘅元老級人馬。