Tuesday, December 27, 2011

蟹肚密碼原來是價錢 $2100一隻凍蟹富豪被「劏」

2011年12月17日

【本報訊】食肆海鮮菜式以「時價」出售屬慣常做法,但有不少名人惠顧的灣仔新光潮州菜館,卻被指以「時價」 100元一両賣超貴凍蟹而引發一場風波。有城中富豪早前偕友幫襯新光,其內地友人點了一隻凍蟹,吃掉後才知賣 2,100元一隻,事主堅稱店員沒講明價錢,亦不清楚蟹肚寫上的數字原來是代表價錢。店方強調價錢寫在蟹肚是一貫做法,否認店員有意隱瞞價錢。
記者:馮詩媚、司徒韋桐、歐文瀚


不願身份被披露的鍾先生為一家公司的董事,生於大富家族,在中環擁有整幢商廈物業,身家逾 10億。他自言平時食飯只嚐佳餚而鮮問價錢,「食飯用幾多錢都唔重要,要睇吓值唔值」,但連一向豪氣的他都覺得這次被菜館「生劏」。
放大圖片
賣凍蟹引發「劏客」爭議的灣仔新光潮州菜館。
12345678910
放大圖片
從投訴人鍾先生提供的單據可見,一隻「冬(凍)蟹」要 2,100元(框示)。
12345678910

「冇講過要成 2100蚊」

事緣上月 23日深夜,鍾偕一男一女友人到新光食消夜,點菜前他與男友人有事出外,留下內地女友人;當他們回座後女友人稱已點好菜,「當日我哋叫咗三個餸,其中一個 係凍蟹」。到結賬時查閱賬單,鍾發現合計 2,514元。「睇番另外兩碟餸都係七十幾蚊一碟,點解隻蟹要收成二千幾蚊?」他禮貌地要求侍應檢查賬單是否出錯,但結果一樣。「佢哋根本冇講過隻蟹要成 2,100蚊!」鍾說。
三人與侍應理論,對方堅持女友人點菜時知道凍蟹價錢,「佢(女友人)話有見到個蟹肚寫住『 2100』,佢哋(店方)唔講根本唔知係乜嘢意思……如果佢(女友人)知道隻蟹要成二千幾蚊,一定唔會叫,就算叫都會問過我哋先」。爭論期間,店員提議打 九折,但鍾拒絕,代之要求店方由負責落單的侍應寫一張收據列出該餐價錢。鍾最終付足錢離場,他說發現該店多內地人幫襯,質疑是否有內地客被搵笨。
放大圖片
凍蟹掛在店頭打冷位置的鐵架上,蟹肚向內。鐵架下掛滿名人明星的照片。
12345678910
放大圖片
菜牌上所有與蟹有關的菜式,一律只標上「時價」。
12345678910

「去消委會投訴我吖」

記者日前上門向負責人忠哥了解,他初時表現緊張,多番說:「(有問題)去消委會度投訴我吖嘛……」其後記者表 明來意他才冷靜下來。當日負責落單的姓嚴侍應亦在場,向記者指當日鍾先生未到,其兩名友人則在一角座位坐下,「個男人揀咗蟹、睇咗,講埋畀佢聽……就決定 斬出嚟」,之後其他人回來食完埋單鍾先生才回來,「有啲似想攞着數」。他稱當時客人確有問過:「點賣呀?」店員亦曾大聲回答「兩千一」,到結賬後出現爭拗 時,「個客又話只聽到『兩斤一』」。
嚴又稱,他們的凍蟹一早在蟹肚標明價錢,而且他和同事都會向客人說明,「好多客都以為(數字)係解斤両,我哋 會話番畀佢哋聽……上蟹一定會講價錢,翻轉畀佢睇、講埋價錢畀佢聽,要個客點頭我哋先攞去斬」,而且肯定不會「斬咗先講(價錢)」,「斬咗就冇得郁,個個 都知」。他表示客人為價錢起爭拗「都唔係第一次……我哋上去消委會一樣係咁解釋」,當記者問及為何之前要上去消委會時,他回應指大陸客經常要求「食完飯打 折」,「我哋印埋 Ten percent(加一服務費),佢都可以話叫我哋 cut(刪)咗去」。
放大圖片
打冷師傅手腳快,每有客人點凍蟹,他即迅速斬件上桌。
12345678910
放大圖片
玻璃櫥窗上更貼有「香港著名藝員 QUEENIE CHAN推介食府」標貼。
12345678910

聲稱成本每斤 500元

放大圖片
新光負責人忠哥(左)及姓嚴侍應(右)堅稱事前有講明價錢,否認有劏客。忠哥回應時,拿起手機反拍記者。
12345678910
記者發現,菜館所賣的凍蟹比市面所見的大,其中一隻兩斤重大蟹賣 2,900元。忠哥解釋,蟹是越大越貴,店內所賣的花蟹購自潮州及香港仔魚市場,質素相當好,不論大小都不能有缺損,否則會惹來客人投訴。他又指入貨時常 被騙,「撈埋啲水草都成半斤重」,加上舖租、水電等雜費,凍蟹成本要 400至 500元一斤,最終售價便要貴一點。忠哥強調店方絕不會騙人,會提醒員工必須在點菜時向客人講清楚價錢。
為證實鍾先生的指控是否有理,《蘋果》記者一行三人日前到新光「放蛇」,其間兩名記者先到店外,一名記者則留 下點了三個菜及一隻凍蟹。當記者要求侍應推介凍蟹時,一名侍應即手持兩隻凍蟹說:「嗱,你睇一隻蟹好唔好食,就要睇佢哋嘅肚同埋鉗就得喇。」並一度翻轉兩 蟹讓記者看蟹肚,蟹肚上分別寫着「 1700」及「 1900」,但對方展示時間只有約兩秒,亦從未講解數字意義。

侍應:係你冇問之嘛

當記者詢問三人吃可選哪一隻時,侍應即 舉起「 1900」的凍蟹,並在記者同意後馬上取走,拿回店頭斬件,未幾侍應將調味料上桌時才說:「吖,頭先你點嗰隻凍蟹 1,900蚊。」記者聞言要求先別斬蟹,但對方稱已經斬了。記者隨後表示侍應並未講過凍蟹價錢,侍應即說:「價錢咪寫咗響個肚上面囉,有畀過你睇㗎。」記 者回應稱不知蟹肚數字意思,對方則稱「個個都係咁㗎啦,我哋一向都係咁樣做……係你冇問之嘛」。
爭拗不果,記者照常進食,發現凍蟹肉質雖厚及結 實,但味道與一般數百元一隻的分別不大。到結賬時,記者再與櫃枱收銀員及一名疑似老闆娘的女士爭論,「老闆娘」說開業二十多年來從未試過有人為菜式收費指 摘店方價錢不清(數周前鍾先生一行人已投訴過)。記者最後付款離開,連同 1,900元的凍蟹,這餐收費合共 2,422元。
《蘋果》記者
新光潮州菜館門外貼有不少明星光顧該店的照片,包括譚詠麟、梁家輝、黃秋生、吳君如等。該店過去亦曾被部份旅遊或飲食雜誌批評,稱其為「黑店」,有雜誌記載店方推銷凍蟹手法與鍾先生的投訴大同小異,又指客人若點菜時沒叫凍蟹,店員會即時「黑臉」。
名 廚周中表示, 100元一両凍蟹的確比較昂貴,一般一斤多的凍蟹只值約 600元。他認為高級餐廳可能會賣貴蟹,但一間店同時賣數十元一碟的餸菜及逾 2,000元的凍蟹,差別實在太大,「有乜嘢(理由)咁貴?」他認為店方應該要講清楚海鮮的價錢,「唔好當客人係羊牯,明碼實價就最好」。
人稱 「幟哥」的名廚黃永幟則稱,凍蟹價錢由 300多元到現在 3,000元一隻都有,質疑新光賣的凍蟹是否物有所值,「佢哋嗰堆蟹(質素)都值千幾二千蚊?」他又表示賣海鮮時一定會向客人講清楚海鮮的價目表,「秤完 之後即刻同客人講清楚幾重幾多錢……斬完之後先同人講就唔合理」。幟哥說擔心同行若有人不老實,會影響香港飲食業整體形象。

先斬後奏追究難

大律師陸偉雄解釋,海鮮價錢有很多浮動因素,店方不列明有其理據,「不過如果全部食物都寫係『時價』,咁就好明顯係欺詐」。他續稱,若客人在點菜時未有堅持問清楚價錢便落單,店方煮好餸菜上桌,就代表合約已達成,客人有責任付款,追究起來就很困難。
《蘋果》記者