鮨雄首推 Sunday Brunch

2009年10月23日

星期日，理應是睡覺睡到自然醒的日子，一次釋放過去六天的勞累，有甚麼理由要早起呢？
鮨雄的 Brunch就是理由了。這家江戶前壽司名店鮨雄，最近首次推出周日 Brunch，每位$380，可任食壽司，加$100還任飲清酒汽水等不同飲品，較散叫起碼平一半。

Brunch採半自助形式。一半放在枱上任客人自取，包括最招牌的壽司，有七八款選擇，如帶子、吞拿魚腩等，即叫即製；另外有三數款日式沙律，六款卷物如辣吞拿魚腩卷，四五款天婦羅等。
另外一半菜式，要在特定餐牌內選擇，只能叫一次。像刺身，可在吞拿魚腩、左口等十三款魚種中選五款；五款燒物類如燒鰻魚、串燒拼盤，以及八款烏冬、丼飯類。
選擇不算多，但都是「揀得落手」的菜式，壽司、刺身都是新鮮貨；燒物亦燒得皮脆肉香，連丼飯都用日本米，加上鮨雄的名氣，不貴不貴。

放大圖片