一 個 月 內 連 續 做 "海 南 雞" 、"點 心" 及 "聖 誕" 3 個 專 題 特 輯 原 來 係 咁 吃 力 ，寫 一 篇 Blog 所 花 嘅 時 間 比 平 時 多 好 多 ，尤 其 是 11 號 打 後 嘅 Blog ，勁 多 相 、勁 多 字 ，有 時 仲 要 一 日 寫 2 篇 甚 至 3 篇 Blog ，係 時 候 趁 假 期 叉 叉 電 啦！
今 日 介 紹 呢 間 Erawan Thai 係 就 係 遠 咗 啲！但 環 境 超 正 ，適 合 情 侶 嚟 食 吓 飯 、談 吓 心。連 阿 叻 早 排 都 喺 呢 度 攪 生 日 party。Erawan Thai 其 實 位 於 航 天 城 高 爾 夫 球 場 內 ，係 間 正 宗 嘅 泰 國 餐 廳 ，總 廚 更 曾 為 泰 王 服 務 多 年 ，炮 製 過 唔 少 得 獎 嘅 傳 統 及 地 道 泰 式 美 食 架！
唔 好 見 到 咁 嘅 環 境 以 為 啲 菜 式 好 貴 呀！價 錢 只 係 比 九 龍 城 高 少 少 ，跟 銅 鑼 灣 差 唔 多 咋！而 service 亦 very very good ，侍 應 招 呼 一 流 ，仲 幫 我 同 王 妃 影 相 添！
Openrice 有 張 超 筍 coupon ，只 須 幫 襯 滿 $200，可 以 免 費 享 用 四 選 一 嘅 精 選 餐 酒 或 特 式 泰 菜 ，超 著 數 呀！
優 惠 包 括 澳 洲 紅 餐 酒 或 白 餐 酒 一 瓶 (價 值 $248) 、原 條 明 爐 蒸 魚 (價 值 $168) 、芭 提 雅 燒 雞 (價 值 $168) 或 泰 式 雜 錦 甜 品 拼 盤 (價 值 $138) 任 揀 一 樣 ，點 計 都 抵 到 嘔 電！
俾 埋 條 link 你 download 張 coupon 啦！喺 度 → CLICK
臨 到 東 涌 機 鐵 站 ，打 個 電 話 俾 佢 哋 話 想 坐 接 駁 巴 士 入 去 食 晚 飯 ，等 15 分 鐘 左 右 就 有 免 費 小 巴 停 喺 的 士 站 啦！
餐 廳 內 外 佈 置 採 用 咗 傳 統 嘅 泰 式 木 製 家 具 ，天 氣 唔 太 凍 嘅 話 不 妨 喺 book 枱 嗰 陣 要 求 坐 室 外 ，好 feeel 好 多 架！
如 果 一 班 朋 友 仔 去 ，仲 可 以 坐 傳 統 泰 式 木 製 小 亭 添
對 住 有 湖 景 又 綠 草 如 茵 嘅 高 爾 夫 球 場 食 飯 ，超 好 feel
呢 個 泰 式 小 亭 有 泰 籍 及 印 籍 廚 師 分 別 製 作 泰 式 串 燒 及 印 度 薄 餅 ，印 度 廚 師 仲 非 常 親 切 又 幽 默 添！
鮮 蝦 西 施 柚 沙 律 ($98) 係 總 廚 嘅 招 牌 菜 ，相 信 貴 在 嗰 幾 隻 新 鮮 爽 口 靚 蝦 及 鮮 甜 多 汁 嘅 泰 國 西 施 柚 吧！
鮮 蝦 豬 肉 腐 皮 餃 ($68) 熱 烘 烘 、大 大 件 ，非 常 彈 牙。
香 炸 軟 殼 蟹 ($88) 有 3 隻 ，炸 到 香 噴 噴 、脆 卜 卜。
軟 殼 蟹 夠 晒 香 脆 可 口 ，又 唔 會 炸 到 散 甩 甩 ，正 呀！
芭 提 雅 燒 雞 ($168) 用 咗 特 別 優 惠 ，仲 以 為 送 嘅 會 好 細 碟 ，點 知 一 嚟 到 . . . . 嘩！乜 咁 大 碟 嘅？成 隻 燒 雞 呀！
燒 雞 用 冰 鮮 雞 去 燒 ，肉 質 唔 嚡、燒 得 夠 香 ，算 係 咁 啦
椰 汁 青 咖 喱 牛 肉 ($88) 香 噴 噴 ，跟 埋 個 白 飯 ，正！
椰 汁 青 咖 喱 牛 肉 份 量 少？其 實 係 個 碗 勁 大 咋！青 咖 喱 汁 相 當 濃 稠 兼 有 椰 香 ，但 唔 算 太 辣 ，牛 肉 亦 好 嫩 滑。
甜 品 試 咗 即 叫 即 整 嘅 香 蕉 薄 餅 ($32)，仲 睇 住 佢 整 添
印 籍 廚 師 拋 餅 技 術 一 流 人 又 nice ，齋 睇 佢 表 演 都 抵
香 蕉 薄 餅 ($32) 雖 然 話 就 話 係 甜 品 ，但 其 實 非 常 飽 肚 ，見 王 妃 猛 話 想 食 至 點 咋！
香 蕉 薄 餅 熱 辣 辣 、香 噴 噴 ，餅 身 鬆 軟 到 極 ，裡 面 嘅 香 蕉 溶 咗 入 薄 餅 內 ，又 熱 又 香 又 清 甜 ，確 係 幾 正 嘅！
椰 青 ($35) 大 大 個 味 道 都 幾 清 甜
薰 衣 草 蜜 ($35) 味 道 清 甜 熱 烘 烘 ，薰 衣 草 味 仲 好 香 添
打 包 半 隻 燒 雞 ，連 個 食 物 盒 都 咁 靚 ，仲 有 個 靚 靚 手 抽 紙 袋 俾 埋 你 ，相 當 貼 心。
埋 單 $500 有 找 ( 唔 計 送 嗰 隻 燒 雞 ) ，好 食 之 餘 仲 有 個 咁 靚 嘅 view ，梗 係 抵 食 啦！行 出 門 口 仲 有 專 車 接 番 你 出 去 東 涌 機 鐵 站 ，服 務 一 流 呀！
電 話 : 3760 6633 消 費 : $250 - $350 / 位
地 址 : 赤 鱲 角 香 港 國 際 機 場 航 天 東 路 20 號
航 天 城 高 爾 夫 球 場 內
No comments:
Post a Comment