友聯火鍋海鮮酒家 - 胃食妹

友人好客氣話請我食生日飯. 我同靚女咁橋大家都睇到友聯食評以曾特首都去光顧為賣點,好奇心驅使下就選擇去呢間. 首先坐底阿姐已經推介佢個$198海鮮拼盤,我地睇過內容後覺得散叫會好啲,所以冇叫. 之後阿姐三番四次繼續推介呢個海鮮拼盤,令我地更加覺得可疑,所以繼續話唔要. 見好多檯都被遊說叫咗,一睇個樣我地就慶幸冇叫. 其實散叫都唔錯,好多配料都幾新鮮. 不過冷氣確實唔多夠. 服務都可以,但最緊要當然係有一班有飲有食有講有笑嘅好朋友啦!!! 多謝哂呀!!!!!!

霜降和牛拼本地手切牛 - 和牛好腍,不過冇牛味. 相反本地牛好有牛肉味!!


美國桶蠔 - 原來桶蠔係有個樽載住嘅!!! 隻隻都好大好觧甜!!

雞子 - 夠哂大隻,又唔會縮水!

珊瑚蚌 - 極之爽甜,從未食過咁好食!!

桂花蚌 - 幾好食!

象拔蚌 - 鮮甜!

豬潤 - 好爽呀!!

炸腐皮 - 都幾脆,不過太大件喇!!

鮮帶子 - 好睇唔好食. 超靭又冇咩,都唔知咩事!


蟹 - 好鮮味,膏又多.

半條鱔 - 肉質彈呀!! 正!!

什錦餃子 - 見到已經飽哂!!!

牛骨髓 - 好味,吸湯精選.

手打牛肉丸 - 好香陳皮味!

墨魚滑拼蝦朋滑 - 新鮮!

今次和牛拼本地牛肉比例唔同.

生菜

地址 :

大圍積存街38-44號

電話 : 3426 9238