最 近 有 Blog 友 問 王 子 最 鍾 意 食 邊 間 嘅 叉 燒 ，如 果 計 埋 感 情 分 ，我 一 定 揀 洪 慶 海 鮮 燒 臘 飯 店 ，因 為 王 子 細 個 嗰 陣 就 住 喺 附 近 ，洪 慶 嘅 叉 燒 可 以 話 係 由 細 食 到 大 ，就 算 搬 走 咗 之 後 亦 經 常 會 返 嚟 幫 襯 ，我 覺 得 呢 度 最 正 嘅 燒 味 係 叉 燒 同 海 蜇 燻 蹄 ，前 者 係 用 炭 燒 嘅 ，後 者 我 喺 好 多 燒 臘 店 食 唔 番 咁 正 嘅 味 道 . . . .
洪 慶 呢 間 24 小 時 營 業 嘅 老 字 號 係 間 多 功 能 燒 臘 飯 店
午 市 賣 飯 盒 ，下 午 賣 燒 臘 ，夜 市 變 身 海 鮮 小 菜 飯 店
晚 10 到 朝 10 呢？賣 點 心 ，呢 度 嘅 宵 夜 點 心 好 出 名 架！
點 心 表 面 上 有 30 款 左 右，其 實 仲 有 好 多！好 似 黑 椒 金 錢 肚 及 超 正 嘅 蘿 蔔 糕 都 無 列 出 嚟！食 唔 食 到 睇 緣 份 啦！
夜 茶 寫 就 寫 10 點 半 起 供 應 ，其 實 10 點 開 始 有 架 啦！
其 實 坐 低 開 咗 位 之 後 ，可 以 行 出 門 口 睇 吓 有 乜 正 嘢
原 盅 蒸 飯 落 足 重 料 、靚 料 炮 製 ，都 係 賣 $19 咋！抵 食
閒 日 呢 度 越 夜 越 多 人 ，唔 想 等？11 點 前 好 嚟 到 啦！
蒸 蘿 蔔 糕 ($9) 想 食 最 好 都 係 開 口 問 阿 姐 ，呢 度 嘅 蘿 蔔 糕 出 名 在 蘿 蔔 味 勁 濃 ，入 口 有 彈 性 ，而 且 一 啲 都 唔 粉 ，食 落 仲 有 蝦 米 臘 肉 香。喺 出 面 食 到 嘅 好 多 都 係 入 口 得 團 粉 ，無 丁 點 蘿 蔔 味。
蒸 釀 瓜 甫 ($11) 水 準 之 高 ，個 人 覺 得 係 九 龍 數 一 數 二
節 瓜 甫 翠 綠 爽 嫩 ，味 道 鮮 甜。豬 肉 亦 非 常 鮮 嫩
洪 慶 蝦 餃 ($19) 大 大 粒 ，唔 算 皮 薄 ，但 勝 在 餡 靚！
雖 佢 唔 係 隻 隻 蝦 餃 都 包 得 咁 靚 ，但 鮮 味 程 度 攞 滿 分
睇 吓 隻 蝦 ，大 隻 到 想 破 餃 而 出 咁 ，蝦 肉 very 鮮 味 彈 牙
四 寶 滑 雞 扎 ($13) 跟 王 妃 各 愛 2 寶 ，所 以 必 定 會 點
腐 皮 夠 軟 腍 ，雞 肉 夠 嫩 滑 ，魚 肚 夠 爽 口 ，火 腿 夠 肉 味 、芋 條 香 噴 噴 . . . 死 未？
春 蛋 燒 賣 ($11) 即 係 鵪 鶉 蛋 燒 賣 ，市 區 越 嚟 越 少 酒 樓 做 ，就 算 有 都 唔 夠 呢 度 咁 正。出 面 好 多 都 係 鵪 鶉 蛋 還 鵪 鶉 蛋 ，燒 賣 還 燒 賣。有 幾 多 間 做 到 好 似 呢 度 嘅 鵪 鶉 蛋 同 燒 賣 咁 融 為 一 體 架？而 且 燒 賣 仲 係 用 新 鮮 嘅 手 剁 豬 肉 去 整 ，食 落 零 舍 鮮 味 多 肉 汁。
山 竹 牛 肉 ($11) 肉 質 相 當 鮮 嫩 ，一 咬 落 去 juicy 到 爆！
黑 椒 金 錢 肚 ($9) 亦 係 要 問 先 知 有 定 無 ，一 定 要 試 吓！
一 般 酒 樓 嘅 金 錢 肚 就 算 有 咁 平 都 一 定 無 咁 多 ，金 錢 肚 爽 滑 彈 牙 有 咬 口 ，加 咗 黑 椒 、紅 椒 、豆 豉 去 蒸 ，好 惹 味！
腸 粉 即 叫 即 蒸 ，睇 到 啲 用 料 好 新 鮮 ，我 6 款 都 試 過 晒 ，最 正 係 鮮 蝦 、牛 肉 、豬 潤 及 叉 燒 腸。$13 梗 係 抵 食 啦！
鮮 蝦 腸 粉 ($13) 賣 相 就 一 般 啦！但 白 裡 透 蝦 都 夠 誘 惑
腸 粉 爽 滑 ，蝦 肉 又 多 又 鮮 味 ，水 準 合 格 有 餘。
雞 球 大 包 ($11) 唔 係 度 度 有 ，更 唔 係 度 度 有 咁 大 個 . . .
睇 吓 個 雞 球 大 包 大 過 拳 頭 幾 多 ，$11 咁 平 去 邊 度 搵？
大 包 仲 相 當 足 料 添！鵪 鶉 蛋 、雞 肉 、豬 肉、火 腿 再 配 埋 啲 香 蔥 、薑 粒 、冬 菇 絲 一 齊 蒸 ，食 完 夠 飽 到 上 心 口 啦！
食 咗 咁 多 點 心 ，連 埋 茶 錢 埋 單 都 係 $120 左 右 ，抵 呀！
電 話 : 2729 0039 平 均 消 費 : $30 - $60 / 位
地 址 : 長 沙 灣 青 山 道 303 號 地 下 (近 發 祥 街)
;)
;)
