天 氣 凍 咗 ，呢 個 星 期 就 主 力 介 紹 熱 氣 騰 騰 嘅 美 食 啦唔 少 人 去 石 澳 都 鍾 意 玩 BBQ ，因 為 海 灘 上 有 勁 大 個 燒 烤 場 ，但 如 果 拍 拖 嚟 想 靜 靜 哋 、舒 舒 服 服 歎 吓 燒 雞 翼 呢？一 樣 有 計 ，由 海 灘 行 去 巴 士 站 ，途 中 就 會 見 到 堅 燒
堅 燒 地 方 都 幾 大 ，枱 又 唔 會 放 得 太 多 ，而 且 仲 有 唔 同 size 及 style 嘅 枱 俾 你 揀 ，至 鍾 意 坐 呢 張 ，夠 hea 夠 舒 服。
Menu 圖 文 並 茂 ，影 得 靚 又 user friendly ，比 外 間 嘅 純 文 字 menu 更 能 挑 起 食 慾 ，醒 目！食 材 有 番 咁 上 下 質 素 ，但 價 錢 相 當 經 濟 ，燒 得 亦 有 心 機。而 服 務 水 準 亦 高 ，老 闆 及 店 員 都 好 有 親 切 感 ，食 完 嘅 碟 又 會 快 快 攞 走 ，夠 貼 心！
蟹 棒 肉 ($10) 得 一 條 ，呢 碟 要 $20 ，好 似 貴 咗 啲？但 唔 係 俾 啲 啲 超 市 蟹 柳 貨 嘛！蟹 棒 肉 燒 完 依 然 咁 juicy 又 鮮 味。
鮑 魚 仔 ($30) 燒 得 快 會 唔 熟 ，燒 得 耐 又 會 好 韌 ，所 以 唔 係 間 間 都 有 得 供 應 ，呢 隻 燒 得 有 水 準 ，夠 鮮 味 兼 超 彈 牙
花 竹 蝦 ($30) 當 然 係 每 隻 計 ，足 有 8-10 寸 長 咁 大 隻 喎！
師 傅 燒 得 有 無 心 機 其 實 好 易 睇 ， 睇 呢 pair 花 竹 蝦 燒 得 咁 靚 就 知 QC 一 流 啦！蝦 肉 又 多 又 彈 牙 ，一 隻 就 夠 喉 啦！
海 膽 蝦 ($18) 有 3 隻 ，起 殼 開 邊 燒 ，加 咗 海 膽 ，燒 得 零 舍 香 噴 噴 ，蝦 肉 細 細 隻 ，入 口 鮮 甜 爽 夾 彈 ，太 好 味 啦！
若 嫌 串 燒 唔 夠 味 ，仲 可 以 加 鹽 加 醬 ，我 就 無 乜 點 用
安 格 斯 肉 眼 ($28) 係 必 食 item ，都 話 師 傅 有 水 準 ，牛 肉 燒 到 6 成 熟 左 右 ，唔 似 得 外 間 啲 串 燒 店 咁 燒 到 全 熟 、甚 至 燶 燶 哋。將 一 小 粒 牛 油 掃 勻 件 安 格 斯 肉 眼 後 趁 熱 食 ，肉 質 鬆 化 肉 味 濃 ，一 咬 落 去 仲 有 勁 多 肉 汁。師 傅 調 味 功 夫 到 家 ，燒 得 香 口 又 惹 味。
牛 肋 骨 條 肉 ($18) 掉 番 轉 ，燒 燶 少 少 更 惹 味。
雞 翼 ($15) 得 一 串 ，唔 好 話 佢 貴 ，好 多 串 燒 店 用 嘅 雞 翼 細 隻 又 無 乜 肉 ，燒 得 又 求 其 ，幾 可 見 到 有 黃 金 雞 翼 先？
睇 吓 隻 雞 翼 燒 得 幾 靚 ，色 澤 均 勻 香 噴 噴 ，問 你 點 忍？
雞 翼 唔 只 燒 得 靚 ，仲 肥 嘟 嘟 好 好 肉 ，肉 質 夠 嫩 滑 添！
粟 米 ($10) 粒 粒 都 幾 飽 滿 ，燒 到 有 啲 燶 燶 哋 ，更 香 口
附 送 牛 油 一 小 粒 ，俾 你 趁 熱 掃 勻 粟 米 ，相 當 貼 心 呢！
Asahi 啤 酒 ($20) 係 串 燒 嘅 最 佳 小 涼 伴 ，梗 係 啤 啤 佢 啦
呢 餐 埋 單 二 百 幾 ，水 準 咁 高 計 落 其 實 好 抵 食。
電 話 : 2809 2321 平 均 消 費 : $90 - $120 / 位
地 址 : 石 澳 石 澳 村 209 號 地 下 - 逢 星 期 一 休 息
No comments:
Post a Comment