極小局一聚. 地點由Y師傅揀,果然非同凡響. 每一道菜都十分滿意. 仲有好多菜式想試,一於要搞多個小局. 多謝靚女S飯後贈我地一人一句:
Y師傅: 寡言慎事
E小妹: 妙言樂情 勁!!!!
素釀乳鴒
去骨乳鴒釀有素菜粒. 最鍾意荀粒爽甜,乳鴒肉香骨軟. 第一味已經印象十分好.
五香龍鬚 - 五香椒鹽味夠. 魷魚鬚用細魷魚,所以唔靭夠軟熟. 炸漿夠薄,而且放耐依然脆口.
大千蝦球 - 大家估計係用蟹膏做獻汁. 蝦球新鮮爽口又彈牙,加上美味蟹膏實在唔錯. 難怪呢味又係招牌之一.
脆炸田雞 - 一上檯我已經問一片片係咩東東. 你點都估唔到原來係炸薑!!! 薑片味甜,極薄,再炸,口感如薯片般脆,十分有趣又好食. 田雞屬巨型裝,肉多但依然嫩滑又有田雞味. 極之好食!!!!
香芒子薑咕嚕肉 - 到九點廚房收先落單. 放上檯個樣十分唔得. 起初冇抱太大期望. 但原來肉片外脆內腍,肉質唔靭,用半肥瘦肉片實在唔錯. 甜酸味配合得宜. 子薑爽脆,芒果鮮甜,最佳配搭.
脆皮金沙雞 - 雞皮又薄又脆,皮下冇厚厚雞膏,合我口味. 雞有雞味,而且連胸肉都唔鞋,的確有水準.
醬茄炆魽魚 - 相對呢味比較失色. 可能魽魚太大,肉身比較鞋. 不過魚肉鮮甜. 茄子亦炆得入味. 已經算唔錯.
1970 - 經典陳酒!!
電話 : 2522-6692
Y師傅: 寡言慎事
E小妹: 妙言樂情 勁!!!!
素釀乳鴒
去骨乳鴒釀有素菜粒. 最鍾意荀粒爽甜,乳鴒肉香骨軟. 第一味已經印象十分好.
五香龍鬚 - 五香椒鹽味夠. 魷魚鬚用細魷魚,所以唔靭夠軟熟. 炸漿夠薄,而且放耐依然脆口.
大千蝦球 - 大家估計係用蟹膏做獻汁. 蝦球新鮮爽口又彈牙,加上美味蟹膏實在唔錯. 難怪呢味又係招牌之一.
脆炸田雞 - 一上檯我已經問一片片係咩東東. 你點都估唔到原來係炸薑!!! 薑片味甜,極薄,再炸,口感如薯片般脆,十分有趣又好食. 田雞屬巨型裝,肉多但依然嫩滑又有田雞味. 極之好食!!!!
香芒子薑咕嚕肉 - 到九點廚房收先落單. 放上檯個樣十分唔得. 起初冇抱太大期望. 但原來肉片外脆內腍,肉質唔靭,用半肥瘦肉片實在唔錯. 甜酸味配合得宜. 子薑爽脆,芒果鮮甜,最佳配搭.
脆皮金沙雞 - 雞皮又薄又脆,皮下冇厚厚雞膏,合我口味. 雞有雞味,而且連胸肉都唔鞋,的確有水準.
醬茄炆魽魚 - 相對呢味比較失色. 可能魽魚太大,肉身比較鞋. 不過魚肉鮮甜. 茄子亦炆得入味. 已經算唔錯.
1970 - 經典陳酒!!
| 地址 : | 中環雲咸街一號南華大廈五樓 |
