九記海鮮小廚 (胃食妹)

之前睇過食評都有留意過想試試,估唔到咁橋食友去燒閒站時又俾佢發現 呢間抵食小店. 係三日之內call齊七人去試吓.  果然真係好食. 佢主打係蒜蓉蒸乜乜. 不過佢蒜蓉有製過,食落口唔會有好辣嘅蒜味,但係又俾到餸菜香味,啲蒜蓉真係俾我食唔停口. 幾款海鮮都好新鮮. 咁食都係每人一舊水,抵爆!!

炸鯪魚球 - 鯪魚肉彈牙,冇加粉,真材實料,好食!

椒鹽九肚魚 - 九肚魚大小適中,炸起嚟外脆內軟,十分有水準!

蒜蓉蒸勝瓜 - 有熟油淋過特別令蒜味更出! 勝瓜爽甜,簡單餸菜都可以整得好好食!!

豉汁蒸鱔 - 鱔切薄片,唔夠厚切咁好. 不過鱔本身好新鮮,鱔肉都好彈牙!!


蒜蓉蒸開邊蝦 - 佢呢度招牌菜. 啲蝦仲有膏. 肉質好爽又鮮甜!


蒜蓉蒸扇貝 - 都好大隻,好鮮甜架. 火路亦剛好,唔太老.

地址 :

土瓜灣美景街49號地下

電話 : 2330-7015