長 雞 不 嗚 永 明 農 場

2008 年 7 月 2 日 ， 香 港 政 府 一 道 猛 藥 ， 為 本 地 活 雞 業 敲 響 喪 鐘 。 日日 清 雞 政 策 + 三 倍 特 惠 終 極 賠 償 ， 像 一 場 超 級 風 暴 ， 一 個 多 月 內 ， 令 全 港 469 個 活雞 檔 急 跌 到 107 檔 。 四 十 多 個 養 雞 場 ， 也 聞 風 喪 膽 ， 有 人 北 移 內 地 ， 有 人 轉 型 種 菇菌 ， 預 料 七 成 以 上 雞 場 將 會 消 失 於 香 港 土 地 上 。 長 雞 一 鳴 ， 沒 有 人 反 對 ， 活 雞 這 個 古 老 行 業 ， 已 步 入 夕 陽 。 但 ， 當 人 人 都 打 退 堂 鼓 ， 世 上 還 是 有 唐 吉 珂 德 ， 明 知 不 可 為 而 為 之 ！ 「 收 錢 離 場 容 乜 易 ， 但 唔 通 以 後 都 要 食 冰 鮮 大 陸 雞 ？ 你 話 我 傻 又 好 癡 又 好 ， 我 唔 會 交 牌 ， 我 同 雞 住 同 雞 ， 就 係 對 雞 有 感 情 ！ 」 永 明 農 場 主 人 ， 人 稱 雞 癡 的 李 良 驥 說 。 這些 年 來 ， 他 為 雞 癡 狂 。 為 了 保 存 接 近 原 種 的 石 歧 雞 ， 殺 雞 期 間 ， 不 惜 犯 險 把 雞 收 藏。 為 了 研 究 新 品 種 ， 曾 投 資 百 萬 ， 生 產 法 國 和 石 歧 混 種 的 煲 呔 雞 ， 最 終 蝕 過 百 萬 收場 。 但 他 就 是 不 怕 輸 ， 即 使 政 府 取 締 ， 人 人 雞 飛 狗 走 ， 他 卻 一 臉 闊 佬 懶 理 ，還 在 研 究 新 雞 種 ， 以 他 的 農 場 為 名 的 永 明 雞 ， 已 蓄 勢 待 發 ， 預 備 數 月 後 推 出 市 場 。 「 呢 個 世 界 ， 人 人 唔 做 就 即 係 有 得 做 。 你 話 我 傻 ？ 其 實 你 至 傻 ！ 」 他 半 帶 癡 狂 半 得 戚 的 說 。 「 咯 咯 咯 … … 咕 ~~~ 」 永 明 農 場 內 眾 雞 一 鳴 ， 和 應 這 雞 癡 的 狂 妄 。

堅 持 。 人 雞 共 存 。

永 明 農 場 位 處 元 朗 新 田 雞 公 山 腳 下 一 處 偏 僻 的 山 嶺 ， 沒 公 共 交 通 工 具 可 達 ， 即 使 駕 車 也 難 找 得 很 。
「 你 錦 繡 迴 旋 處 轉 過 ， 見 到 個 亭 轉 右 直 入 ， 行 到 尾 轉 右 轉 右 再 轉 右 … … 唉 ！ 總 之 轉 右 啦 ！ 」 李 良 驥 在 電 話 中 講 到 「 甩 甩 咳 咳 」 。
依循 指 示 ， 轉 了 不 知 多 少 個 右 ， 終 於 找 到 永 明 農 場 所 在 地 ， 一 列 倚 在 山 邊 的 鐵 皮 蓋 頂寮 屋 群 ， 由 一 個 天 羅 大 網 罩 住 ， 像 香 港 公 園 的 雀 鳥 園 一 樣 。 沒 有 寶 號 名 字 ， 也 沒 有招 牌 辨 識 ， 只 憑 陣 陣 雞 味 、 咯 咯 啼 聲 ； 和 大 鋼 門 上 一 塊 告 示 確 認 。
白 底 紅 字 的 告 示 ， 森 嚴 寫 上 ： 「 奉 漁 護 署 諭 為 防 止 禽 流 感 病 毒 傳 播 謝 絕 所 有 人 等 探 訪 」 嘩 ！ 以 為 闖 進 了 生 化 武 器 基 地 。
「 禽 流 感 之 後 ， 政 府 直 情 當 我 有 病 咁 ， 雞 場 最 好 有 咁 遠 得 咁 遠 ， 人 同 雞 隔 得 愈 疏 愈 好 。
人 雞 分 隔 ？ ！ 點 隔 呀 ？ 我 幾 十 年 呢 度 養 雞 呢 度 住 ， 我 唔 係 人 呀 ？ 」 農 場 主 人 李 良 驥 說 。
說 得 也 是 ， 他 的 家 ， 就 在 雞 場 一 列 六 層 高 的 雞 籠 旁 邊 ， 坐 在 廳 中 看 電 視 ， 鼻 哥 嗅 雞 屎 味 、 耳 後 傳 來 雞 鳴 聲 ， 偶 爾 還 有 一 撮 雞 毛 在 空 中 飄 過 。
廳 中 一 個 大 雪 櫃 ， 上 格 放 滿 雞 用 的 疫 苗 ， 下 格 就 是 人 喝 的 汽 水 ， 人 和 雞 其 實 早 已 活 在 一 起 。
「 邊 度 分 得 到 咁 開 ？ 我 養 幾 十 年 雞 不 嬲 冇 事 。 自 從 禽 流 感 之 後 ， 政 府 好 似 慌 失 失 奇 兵 咁 ， 一 陣 又 話 人 雞 分 隔 ， 一 陣 又 話 中 央 屠 宰 。 你 出 政 策 容 乜 易 ， 難 為 我 搵 食 ， 話 要 加 網 我 就 加 網 ， 話 要 改 排 污 我 就 改 排 污 ， 成 千 萬 ， 你 先 話 叫 我 交 牌 唔 好 做 喎 ！ 大 佬 ！ 洗 濕 個 頭 ， 人 又 一 把 年 紀 ， 字 唔 識 多 隻 ， 淨 係 識 養 雞 ， 唔 做 出 去 做 乜 呀 ？ 做 『 石 Q 』 ( 保 安 員 ) 都 要 考 牌 啦 ！ 」 李 良 驥 激 動 地 說 。

煞 有 介 事 的 通 告 ， 可 見 禽 流 感 真 的 如 洪 水 猛 獸 。

一 個 大 網 ， 把 雀 鳥 和 雞 分 隔 。

雞 癡 。 日 夜 鑽 研 。

也 難 怪 他 激 動 ， 現 年 56 歲 的 李 良 驥 ， 一 生 沒 甚 麼 大 成 就 ， 唯 養 雞 一 項 ， 教 他 自 豪 了 廿 多 年 。
他真 的 是 個 雞 癡 ， 一 天 到 晚 都 待 在 雞 場 研 究 雞 種 ， 跟 他 談 雞 ， 他 可 以 興 高 采 烈 雞 啄 唔斷 的 一 直 談 下 去 ， 像 細 路 哥 打 NDS 一 樣 ， 沉 迷 在 一 個 不 為 人 知 的 天 地 。
「 養 雞 好 過 癮 ！ 同 養 馬 養 狗 一 樣 ， 可 以 玩 配 種 。 竹 絲 雞 可 以 配 石 歧 雞 ， 變 成 黑 肉 麻 雞 ， 滋 陰 得 湯 渣 雞 肉 唔 又 食 得 。 法 國 雞 配 石 歧 雞 ， 胸 大 臀 厚 身 形 靚 ， 皮 厚 油 少 雞 味 濃 ， 直 頭 靚 過 香 港 小 姐 。
嘉 美 雞 主 要 係 由 惠 州 雞 配 ， 睇 撮 鬍 鬚 就 知 ， 冇 得 走 雞 … … （ 下 刪 一 百 字 ） 」 他 手 捉 一 隻 雞 ， 細 意 端 詳 ， 露 出 極 度 滿 足 的 笑 容 。
他83 年 入 行 ， 捱 了 廿 多 年 ， 今 天 雞 場 有 四 萬 九 千 隻 雞 ， 每 十 天 便 有 三 千 一 百 隻 雞 透過 長 沙 灣 批 發 市 場 推 出 市 面 ， 大 部 分 是 石 歧 雞 ， 其 次 是 惠 州 雞 。 以 生 產 量 來 計 ， 在行 內 屬 中 型 雞 場 。 年 前 ， 他 更 投 資 幾 十 萬 自 設 孵 房 ， 由 人 工 授 精 、 產 卵 、 配 種 、 雞花 、 中 雞 、 大 雞 ， 自 己 一 條 龍 生 產 。
「 養 雞 好 辛 苦 ！ 正 常 講 ， 一 般 由 雞 花 （ 初 生 ） 養 到 大 雞 ， 要 一 百 二 十 日 。 又 要 餵 糧 、 剷 屎 、 打 針 ， 淨 係疫 苗 都 打 七 種 ， 幾 萬 隻 雞 逐 隻 打 ， 一 打 就 打 一 日 ， 慘 過 擔 泥 。 雞 花 大 又 要 搬 中 雞 屋 ， 中 雞 大 又 要 搬 大 雞 屋 ， 天 氣 冷 要 燒 煤 氣 取 暖 ， 天 氣 熱 又 要 開 行 風 扇 吹 。 其 間 求 神 拜 佛 佢 千 祈 唔 好 病 ， 唔 係 就 血 本 無 歸 ！ 好 大 風 險 ！ 鍾 唔 鍾 意 ？ 我 有 乜 鍾 唔 鍾 意 ！ 佢 鍾 意 咪 得 ， 我 嫁 雞 隨 雞 ， 有 乜 辦 法 ！ 」
正 忙 替 雞 花 打 疫 苗 的 良 嫂 說 。

家 門 外 就 是 雞 籠 ， 人 和 雞 ， 和 平 共 處 。	雪 櫃 上 格 放 疫 苗 ， 也 可 放 日 常 食 物 ， 如 汽 水 、 茶 包 … …
良 嫂 嫁 雞 隨 雞 ， 捉 雞 仔 打 疫 苗 ， 熟 手 到 不 得 了 。

求 存 。 半 途 出 家 。

李 良 驥 本 不 是 雞 農 ， 投 身 養 雞 業 ， 不 過 是 逼 不 得 已 的 抉 擇 。
十來 歲 由 台 山 來 港 ， 在 毛 衫 廠 學 師 十 多 年 ， 埋 夾 挑 腳 鈒 骨 平 車 裁 床 都 懂 了 ， 升 了 做 師傅 ， 以 為 可 以 無 風 無 浪 做 到 老 ， 誰 不 知 八 十 年 代 初 ， 大 陸 一 聲 改 革 開 放 ， 毛 衫 廠 北移 ， 他 一 夜 間 被 迫 轉 行 。
「 以 前 做 毛 衫 好 搵 ， 晚 晚 加 班 加 到 十 一 點 ， 未 夠 三 十 歲 已 經 賺 到 層 樓 返 ， 根 本 冇 諗 過 轉 行 。
80 年 開 始 ， 廠 一 夜 間 走 清 光 ， 想 做 都 無 得 你 做 ， 連 層 樓 都 要 按 番 出 去 。 」 他 說 。
把 樓 按 了 ， 就 是 為 了 轉 行 。 他 看 準 中 國 人 愛 吃 活 雞 ， 認 為 養 雞 是 個 穩 陣 行 業 ， 膽 粗 粗 拿 按 樓 的 十 多 萬 本 錢 孤 注 一 擲 。
「 陣 錦 繡 花 園 一 幢 樓 都 係 15 萬 咋 ！ 我 用 17 萬 同 人 頂 ， 幾 間 爛 屋 、 兩 千 雞 婆 ， 舊 場 主 教 你 簡 單 養 雞 技 巧 ， 咁 就 開 檔 喇 ！ 兩 公 婆 乜 都 唔 識 ， 人 點 教 我 點 做 ， 天 光 六 點 做 到 凌 晨 兩 點 ， 辛 辛 苦 苦 捱 大 兩 個 仔 女 。 」
他 押 寶 總 算 押 對 了 ， 那 時 大 陸 活 雞 還 未 湧 進 來 ， 本 地 活 雞 市 場 ， 九 成 是 新 界 農 場 提 供 ， 每 屆 過 時 過 節 ， 人 人 雞 還 神 ， 生 意 好 到 做 唔 切 。
政 府 又 鼓 勵 農 業 發 展 ， 漁 農 處 和 嘉 道 理 農 場 不 單 會 向 農 友 灌 輸 養 雞 技 術 ， 還 提 供 最 新 疫 苗 和 雞 種 ， 改 善 雞 隻 質 素 ， 讓 雞 能 賣 得 更 好 價 錢 。
「 時 好 好 景 ！ 淨 係 新 田 呢 度 就 有 九 間 雞 場 ， 養 成 廿 幾 萬 隻 雞 ， 朝 早 雞 啼 嘈 到 不 得 了 。
又 有 好 多 孵 房 幫 人 孵 雞 仔 ， 後 尾 大 陸 雞 愈 來 愈 多 ， 本 地 雞 唔 夠 人 平 ， 好 多 都 冇 得 做 ， 而 家 打 回 原 形 ， 我 呢 區 ， 得 番 一 兩 間 雞 場 。 」

你 看 他 迷 癡 癡 的 笑 容 ， 就 知 「 雞 癡 」 之 名 當 之 無 愧 ！

勁 敵 。 大 陸 活 雞 。

一 層 層 的 活 雞 ， 將 來 還 會 出 現 在 香 港 嗎 ？

本 地 雞 市 場 萎 縮 ， 早 在 八 十 年 代 中 開 始 ， 那 時 國 內 開 放 農 產 品 出 口 ， 內 地 雞 排 隊 進 入 香 港 市 場 。
由於 內 地 地 方 大 、 人 工 平 ， 加 上 飼 料 比 香 港 便 宜 了 不 知 多 少 倍 ， 因 此 入 口 的 雞 隻 ， 平均 也 比 香 港 便 宜 兩 三 成 不 止 。 成 本 高 的 本 地 雞 ， 根 本 難 敵 這 對 手 ， 不 少 雞 場 索 性 放棄 養 雞 ， 把 農 場 轉 成 雞 酒 店 ， 供 內 地 雞 上 市 前 暫 住 ， 賺 個 便 宜 快 錢 。 還 是 自 養 本 地雞 的 雞 場 ， 由 原 來 四 百 多 戶 ， 跌 至 只 得 幾 十 戶 ， 幾 十 戶 中 ， 大 部 分 都 引 入 內 地 雞 種來 養 ， 還 堅 持 以 本 土 雞 種 養 殖 的 ， 只 剩 下 幾 戶 而 已 ！ 內 地 雞 於 是 雄 霸 了 香 港 九 成 活雞 市 場 。
「 有 市 場 就 有 人 諗 蠱 惑 ， 為 令 雞 隻 快 大 快 賣 ， 大 陸 雞 農 咪 飼 料 度 落 催 谷 ！ 明 明 要 百 二 日 至 長 到 三 斤 ， 佢 八 十 日 就 得 ， 我 都 唔 知 佢 雞 食 乜 ！ 」 良 哥 說 。

其 實 他 也 試 過 引 入 大陸 雞 來 賣 ， 利 錢 比 賣 本 地 雞 最 少 多 三 分 一 。 但 他 發 現 大 陸 雞 的 雞 種 溝 得 很 雜 ， 明 明石 歧 雞 是 短 身 、 胸 厚 、 麻 毛 ， 內 地 的 卻 高 頭 大 馬 ， 毛 色 黃 潤 ， 吃 落 肉 是 豐 厚 ， 但 卻淡 而 無 味 ， 怪 怪 氣 的 ， 不 像 本 地 石 歧 種 般 肉 實 無 渣 雞 味 濃 。 賣 了 兩 年 ， 最 終 也 決 定 斬 纜 。
「 人 人 都 笑 我 蠢 ！ 話 我 有 錢 唔 識 賺 。 佢 話 ， 客 根 本 唔 識 分 大 陸 石 歧 同 本 地 石 歧 ， 邊 得 閒 理 你 純 唔 純 種 ？ 我 唔 制 ， 我 過 唔 到 自 己 ， 寧 願 賺 少 。 」
走落 雞 檔 ， 發 現 真 的 一 頭 霧 水 。 除 了 嘉 美 雞 等 有 腳 帶 標 明 外 ， 其 餘 的 石 歧 和 惠 州 雞 ，隻 隻 咁 上 下 ， 一 般 人 單 憑 外 表 ， 根 本 分 不 出 來 自 大 陸 定 本 地 。 想 買 本 地 雞 ， 只 有 幫襯 相 熟 雞 檔 ， 一 切 講 個 信 字 。
「 雞 檔 做 生 意 ， 邊 隻 好 賣 就 邊 隻 ！ 人 一 味 貪 大 貪 平 ， 佢 咪 多 大 陸 雞 。 內 地 雞 農 知 道 大 隻 有 市 場 ， 咪 溝 種 溝 到 佢 大 隻 。 嫌 麻 毛 唔 好 睇 ？ 佢 咪 溝 到 佢 變 黃 毛 ！ 有 乜 客 就 有 乜 雞 ， 一 個 循 環 。
市 場 決 定 一 切 ， 點 都 得 ！ 不 過 溝 溝 咪 連 原 種 雞 都 冇 埋 ！ 」

天 氣 熱 ， 要 開 大 風 扇 ， 雞 才 會 涼 快 。

一 講 雞 就 停 不 了 ， 他 說 ： 「 為 了 雞 ， 連 犯 法 都 敢 ！ 」

純 種 。 石 歧 土 雞 。

老一 輩 的 養 雞 人 ， 講 求 雞 隻 純 種 ， 認 為 純 種 雞 配 出 來 的 雞 ， 抗 病 能 力 高 ， 質 素 也 得 以維 持 ， 故 幾 乎 每 個 養 雞 人 都 保 存 自 己 配 種 的 種 雞 ， 視 為 鎮 山 之 寶 。 「 本 地 土 雞 係 石歧 雞 同 惠 州 雞 兩 種 ， 好 耐 歷 史 ！ 原 種 幾 時 入 已 經 無 從 稽 考 。 」
可 惜 自 禽 流 感 之 後 ， 政 府 大 規 模 殺 雞 ， 且 一 殺 便 大 小 通 殺 連 種 雞 都 殺 光 ， 因 此 外 間 幾 已 沒 有 正 宗 的 本 地 雞 種 留 存 。
但雞 癡 李 良 驥 ， 卻 在 兵 慌 馬 亂 之 際 ， 百 萬 軍 中 藏 阿 斗 ， 冒 險 把 保 存 了 廿 多 年 的 正 宗 石歧 種 雞 偷 偷 送 走 ， 寄 住 在 朋 友 家 中 ， 因 而 避 過 一 劫 ， 也 成 了 他 東 山 再 起 的 本 錢 。
「 我 廿 幾 年 ， 隻 種 雞 死 就 冇 ！ 以 後 都 冇 ！ 我 寧 願 犯 法 ， 都 要 保 住 佢 條 命 ！ 」
他 對 這 石 歧 雞 也 真 的 有 感 情 ， 每 天 都 偷 偷 摸 摸 拿 上 等 飼 料 到 朋 友 處 餵 雞 ， 噓 寒 問 暖 ， 直 至 養 雞 禁 令 結 束 ， 才 接 回 農 場 。
「 你 睇 呢 隻 種 雞 ， 有 錢 都 買 唔 到 。 毛 色 有 光 澤 ， 心 口 脹 卜 卜 ， 雄 糾 糾 氣 昂 昂 ， 叫 出 把 聲 都 響 ， 係 接 近 原 種 至 有 咁 質 素 。 」 他 相 雞 就 如 相 馬 睇 晨 操 。

為 了 競 爭 ， 連 蛋 也 自 己 孵 ， 一 條 龍 生 產 。

幾 千 隻 雞 仔 ， 將 會 在 三 個 月 內 長 大 ， 推 出 市 場 。

輸 了 。 捲 土 重 來 。

05 年 ， 他 就 花 了 幾 十 萬 ， 用 這 純 種 石 歧 雞 和 法 國 雞 配 種 ， 生 產 出 一 款 煲 呔 雞 ， 一 心 對 抗 雄 霸 市 場 的 內 地 雞 。
「 煲 呔 雞 係 絕 世 好 雞 ， 佢 有 法 國 雞 高 大 肉 厚 ， 又 有 石 歧 雞 皮 爽 味 濃 優 點 。 呢 ！ 阿 曾 特 首 食 過 都 話 好 ！ 梁 家 傑 都 話 要 同 我 雞 啦 … … 報 紙 都 有 賣 ！
可 惜 ， 這 絕 世 好 雞 像 鐵 達 尼 ， 一 推 出 便 遭 遇 滑 鐵 盧 。
由 於 煲 呔 雞 頸 項 沒 毛 ， 買 雞 的 主 婦 認 為 賣 相 欠 佳 提 不 起 興 趣 ， 故 煲 呔 雞 推 出 後 一 直 滯 銷 。
李 良 驥 眼 見 情 勢 危 急 ， 又 再 錢 研 究 ， 把 長 頸 無 毛 改 成 短 項 有 毛 的 第 二 代 ， 可 惜 第 一 代 失 了 先 機 ， 顧 客 先 入 為 主定 了 型 ， 煲 呔 雞 無 法 力 挽 狂 瀾 ， 終 在 06 年 悄 悄 停 產 。 目 前 永 明 農 場 沒 有 新 雞 種 推出 ， 只 賣 最 普 通 的 石 歧 雞 和 惠 州 雞 ， 穩 住 陣 腳 。
但 對 於 新 品 種 ， 李 良 驥 始 終 念 念 不 忘 。
「 我 到 而 家 都 信 佢 得 ！ 不 過 顧 客 口 味 好 難 講 ， 又 話 條 頸 唔 靚 ， 又 話 拜 神 無 毛 唔 夠 神 心 … … 唔 靚 仔 ， 又 唔 係 唔 好 食 … … 」 煲 呔 雞 一 役 ， 他 口 口 聲 聲 說 虧 蝕 不 多 ， 沒 有 蝕 入 肉 。 但 良 嫂卻 透 露 ， 前 前 後 後 計 計 埋 埋 幾 乎 蝕 了 過 百 萬 ， 對 這 小 家 庭 來 說 ， 不 能 不 說 是 個 打 擊。
「 養 雞 係 咁 啦 ！ 最 緊 要 隻 種 度 ， 隻 種 度 就 有 諗 ！ 呢 ！ 我 遲 就 會 出 隻 永 明 雞 ， 而 家 研 究 緊 音 樂 養 雞 法 ， 雞 仔 聽 古 典 、 大 雞 就 聽 Rock ！ 即 係 好 似 人 咁 之 嘛 ！ 聽 音 樂 放 鬆 心 情 ， 唔 使 咁 緊 張 晒 能 量 ， 咁 咪 快 大 又 吸 收 好 ， 肉 都 好 食 啦 ！ 」 雞 仔 聽 音 樂 ？ 口 糠 糠 大 隻 講 咋 ？
「 乜 大 隻 講 呀 ！ 我 叫 阿 女 去 電 腦 鋪 買 『 手 指 』 ， 可 以 儲 幾 千 首 歌 ， 聽 足 一 日 費 事 換 碟 呀 ！ 」
啊 ！ 雞 癡 即 是 雞 癡 ， 他 講 真 的 ！

第 一 代 煲 呔 雞 ， 雞 頸 無 毛 ， 第 二 代 煲 呔 雞 ， 改 成 有 頸 毛 品 種 ， 可 惜 最 終 也 不 受 歡 迎 。

靚 雞 巡 禮

買 雞 買 本 地 ， 內 地 雞 為 了 減 輕 成 本 ， 會 在 飼 料 中 添 加 催 生 食 料 ， 以 縮 短 雞 的 成 長 期 。
但 催 生 的 雞 ， 雞 味 往 往 欠 佳 ， 味 道 及 肉 質 不 及 本 地 雞 好 。
加 上 長 途 運 送 、 舟 車 勞 頓 ， 也 會 影 響 雞 的 質 素 。 永 明 的 雞 ， 本 地 飼 養 ， 沒 有 舟 車 勞 頓 的 問 題 。
吃的 是 本 地 老 字 號 大 生 飼 料 的 雞 料 ， 以 黃 豆 粉 、 魚 粉 等 天 然 物 料 為 主 ， 沒 有 下 催 生 料， 故 雞 隻 要 110 日 才 能 長 成 至 三 斤 ， 成 本 較 高 ， 但 肉 質 和 味 道 都 較 好 。
不 過 本 地 雞 和 大 陸 雞 ， 一 般 人 很 難 分 辨 。
元 朗 大 橋 街 市 的 關 志 記 雞 檔 ， 開 業 半 世 紀 ， 一 向 代 售 永 明 農 場 的 雞 ， 想 買 雞 ， 可 找 他 。

黑 肉 麻 雞 約 $70/ 斤 ( 零 售 價 )

外 貌 特 點 ： 竹 絲 雞 和 石 歧 雞 混 種 ， 頭 細 有 一 撮 鬆 毛 ， 胸 瘦 、 黃 毛 帶 麻 。
肉 質 ： 肉 少 而 嫩 ， 纖 維 幼 細 ， 皮 厚 脂 肪 少 。
味 道 ： 雞 味 濃 ， 肉 無 渣 。
最 佳 食 法 ： 煲 湯 。

法 國 雞 ( 未 有 零 售 )

外 貌 特 點 ： 頭 細 、 身 大 、 長 腳 、 長 翼 、 胸 臀 厚 、 深 啡 毛 ， 成 年 雞 可 達 四 斤 以 上 。
肉 質 ： 纖 維 細 密 ， 肉 厚 嫩 滑 ， 皮 厚 少 油 。
味 道 ： 雞 味 濃 郁 、 肉 帶 爽 口 。
最 佳 食 法 ： 肉 厚 宜 炸 。

惠 州 雞 約 $32/ 斤 ( 零 售 價 )

外 貌 特 點 ： 長 身 、 長 腳 、 胸 瘦 、 黃 毛 ， 有 一 撮 鬍 鬚 ， 成 年 雞 可 達 三 斤 。
肉 質 ： 纖 維 幼 細 ， 肉 質 腍 嫩 ， 皮 薄 脂 肪 少 。
味 道 ： 雞 味 淡 寡 。
最 佳 食 法 ： 肉 嫩 宜 蒸 、 白 切 也 可 。

石 歧 雞 約 $32/ 斤 ( 零 售 價 )

外 貌 特 點 ： 短 身 、 短 腳 、 胸 厚 、 麻 毛 ， 成 年 雞 有 三 斤 。
肉 質 ： 纖 維 幼 細 ， 肉 嫩 帶 韌 勁 ， 皮 厚 而 爽 ， 脂 肪 少 。
味 道 ： 雞 味 濃 ， 肉 厚 無 渣 。
最 佳 食 法 ： 油 少 肉 香 、 蒸 、 炸 、 白 切 皆 宜 。

街 市 賣 乜 雞

市面 上 的 本 地 雞 ， 主 要 有 嘉 美 雞 、 泰 安 雞 ， 石 歧 雞 及 惠 州 雞 。 常 在 街 市 見 到 的 清 遠 雞、 三 黃 雞 、 龍 崗 雞 、 竹 絲 雞 等 ， 本 地 並 無 出 產 ， 都 是 大 陸 來 貨 。 而 石 歧 雞 和 惠 州 雞， 內 地 也 有 入 口 。

點 樣 揀 靚 雞

以 前 揀 雞 ， 通 常 吹 吹 雞 屁 股 ， 見 屁 股 有 黃 色 粒 粒 ， 則 代 表 此 雞 有 雞 油 ， 是 肥 雞 。
或用 手 摸 摸 雞 屁 股 及 雞 胸 ， 肉 厚 就 代 表 雞 啖 啖 肉 。 但 自 禽 流 感 後 ， 政 府 不 鼓 勵 市 民 吹接 觸 活 雞 ， 揀 靚 雞 ， 只 可 憑 肉 眼 ， 看 看 雞 隻 是 否 精 神 ， 體 型 是 否 健 壯 。
當 然 ， 若 然 相 熟 ， 還 可 請 雞 販 代 揀 。

永 明 農 場
地 址 ︰ 香 港 新 界 新 圍 上 竹 園 村 約 1194 地 段
電 話 ︰ 2471 1524

關 志 記 雞 檔
地 址 ︰ 香 港 新 界 元 朗 大 橋 街 市 M92 號
電 話 ︰ 2475 0883