食肆短評 - 52

葉香留：灣仔新舖（集成中心斜對面），出品與舊舖相約。

The Drawing Room：裝修不錯，燈光配置得宜，設 private room。以食物而言 ，味偏濃，90 分+。服務則視乎你點睇，如果你有好大期望，你可能失望。何解？侍應因經驗不足而缺信心，一舉手一投足尚未能與餐廳級數溶合。這亦是小弟經常強調的文化問題 — 若不是你的根，你不會明白，整來整去都係 Pizza Hut 嘅 level。當然，如果你只是一般期望，一切問題均不是問題。品酒師不是最出色，服務不算是最貼心。有冇方法唔駛等一個月？有！十點 walk in 應該 ok。

強記美食：多日不見開舖，是否執了？

金凱鮮庭：似乎生意唔錯，種類多咗兼日日返貨。例湯唔得，但想試蘇格蘭蟶子。賣得唔貴，$98 三枝。