又 到 王 子 周 末 推 介 啦！其 實 只 要 彼 此 相 愛 ，日 日 都 可 以 係 情 人 節
，14/2 唔 一 定 要 同 其 他 pair 一 齊 喺 同 一 個 地 方 食 啲 成 千 蚊 嘅 同 一 個 套 餐 
。搵 啱 地 方 ，即 使 食 平 嘢 亦 一 樣 可 以 好 浪 漫 睇 吓 枱 上 嘅 擺 設 幾 romantic！信 唔 信 $100 可 以 埋 單 呢？
外 面 望 入 去 ，呢 間 餐 廳 係 咪 好 Grand 呢？今 次 介 紹 呢 間 餐 廳 係 位 於 九 龍 塘 嘅 樂 融 雅 敘 ，又 一 城 行 過 去 都 幾 遠
樂 融 雅 敘 係 為 弱 能 人 士 提 供 就 業 及 實 習 機 會 嘅 餐 廳 ，收 入 盈 餘 會 全 數 用 作 發 展 復 康 服 務
。坦 白 講 ，呢 度 啲 侍 應 反 應 快 又 有 禮 貌 ，比 起 市 面 好 多 餐 廳 更 好 招 呼 
餐 廳 外 有 大 大 張 梳 化 ，等 朋 友 時 可 以 舒 舒 服 服 咁 等
樓 底 高 到 好 似 酒 店 咁 ，地 方 又 大 、啲 櫈 又 坐 得 舒 服
唔 少 玻 璃 窗 台 上 放 滿 大 大 個 毛 公 仔 ，好 童 話 feel 呀！
唔 只 窗 台 上 有 ，就 連 每 張 枱 上 都 放 咗 個 熊 bear bear 架
睇 吓 一 對 熊 bear bear 調 味 瓶 幾 得 意
蘆 薈 鮮 果 沙 律 好 有 驚 喜 呀！咁 大 碟 都 係 $18 咋！
蘆 薈 份 量 咁 多 真 係 少 見 ，而 且 大 大 粒 新 鮮 又 多 汁 ，鮮 果 全 部 都 係 用 新 鮮 貨
，唔 似 得 出 面 啲 餐 廳 咁 用 罐 頭 貨 ，菠 蘿 好 多 汁 呀 
芝 士 吞 拿 魚 飛 碟 熱 烘 烘 又 唔 會 燶 晒 邊 ，睇 吓 隻 飛 碟 幾 咁 脹 卜 卜 ，咬 落 去 外 脆 內 軟 熟 ，證 明 麵 包 夠 新 鮮 囉
芝 士 味 香 香 哋 唔 會 太 濃 ，吞 拿 魚 肉 填 到 滿 一 滿 ，熱 氣 騰 騰 好 味 道 ，$17 咁 大 份 唔 算 貴 咯
！
公 司 湯 麵 都 幾 豐 富 架！有 煎 蛋 、腸 仔 、回 鍋 肉 、火 腿 再 加 條 嫩 綠 菜 心 ，賣 $20 都 幾 抵 食 呀
！
雖 然 唔 係 用 一 丁 麵 ，但 麵 身 都 幾 爽 彈 ，唔 會 淥 腍 晒
公 司 拼 盤 只 係 $24 碟 ，包 括 吉 列 魚 柳 、椒 鹽 雞 翼 、香 脆 雞 寶 及 雞 尾 腸 ，仲 跟 沙 律 醬 及 酸 甜 汁 俾 你 蘸
吉 列 魚 柳 熱 辣 辣 夠 晒 香 脆
椒 鹽 雞 翼 好 入 味 ，難 得 唔 係 翻 叮 ，一 食 就 知 即 叫 即 製
飲 品 更 令 人 有 驚 喜 ，勁 大 杯 又 落 重 料 ，都 只 係 $14？
睇 吓！用 傳 統 嘅 刨 冰 而 且 係 圓 球 形 架！相 當 有 心 思 呀
紅 荳 冰 攪 到 起 晒 沙 後 啲 色 超 靚 ，證 明 真 係 用 靚 料 啦！紅 豆 粒 粒 都 咁 完 整 ，入 口 夠 腍 好 咬 口 食 極 都 有 ，超 正
什 果 賓 治 真 令 人 感 動 ，冰 球 下 一 大 堆 什 果 裝 得 滿 杯 ，而 且 又 係 用 鮮 果 ，$14 杯 你 話 去 邊 度 嘆 得 到 呀？
飲 食 網 刋 登 嘅 營 業 時 間 唔 準 架！星 期 六 晚 食 到 夠 鐘 至 走，跟 住 散 住 步 行 去 又 一 城 行 吓 或 睇 番 場 戲 ，Perfect
俾 埋 地 圖 你 睇 ，唔 怕 搵 唔 到 啦！
電 話 : 2304 5011 平 均 消 費 : $30 - $55 / 位
地 址 : 九 龍 塘 歌 和 老 街 公 園 壁 球 及 乒 乓 球 中 心 內
No comments:
Post a Comment