亞婆豆腐花 (不眠王子)

       亞 婆 豆 腐 花 強 勢 回 歸 ，對 面 嘅 阿 玉 豆 腐 花 、附 近 嘅 新 菓 香 林 、以 前 好 旺 嘅 菓 香 林 通 通 拍 晒 烏 蠅 、水 靜 河 飛
      對 面 阿 玉 賣 $3 碗 . . . 係 正 就 唔 駛 鬥 平 啦！仲 喺 藥 房 set 個 位 賣 豆 腐 花 咁 騎 呢 . . .
      菓 香 林 靜 晒 更 加 唔 出 奇 ，豆 腐 花 得 個 滑 字 但 無 豆 味 ，用 薑 汁 已 經 好 聰 明 ，但 同 亞 婆 豆 腐 花 一 比 即 輸 囉 ！
      新 菓 香 林 位 置 咁 偏 僻 ，豆 腐 花 又 唔 滑 . . . 點 fight 呀？
      
       張 太 : B 仔 乖 . . . Um . . . 食 住 豆 腐 花 先 ，無 三 聚 氰 銨 嘛
                       
       小 妹 妹 : 亞 婆 豆 . . . 豆 腐 花 . . . 熱  . . . 熱 辣 辣 . . . 好 好 味
      
       請 用 古 代 四 字 成 語 形 容 以 上 圖 片 ，例 : 萬 人 空 巷！
      
       請 用 現 代 四 字 成 語 形 容 以 上 圖 片 ，例 : 喪 爆 到 顛！
      
       豆 腐 花 賣 $5 碗 ，食 完 全 身 暖 笠 笠 ，好 過 街 邊 篤 魚 蛋
      
       用 傳 統 嘅 白 底 藍 色 雕 花 瓷 碗 裝 豆 腐 花 ，充 滿 懷 舊 氣 息 ，豆 腐 花「滑 滑 呀 潺 潺 似 豬 羔 咁 滑 ，牛 油 蛋 撻 都 無 咁 滑」，未 落 糖 水 前 先 呷 一 啖 . . . 好 香 嘅 豆 味 呀 ！
      
       好 多 人 鍾 意 又 落 糖 水 又 落 黃 糖 ，我？只 落 少 少 黃 糖
      
       豆 腐 花 嘅 好 味 程 度 絕 對 值 得 我 呢 個 九 龍 人 專 程 搭 45 分 鐘 車 入 去 幫 襯 ，呢 碗 已 經 係 第 2 碗 啦 ！
      
       亞 婆 仲 有 自 家 製 腐 乳 賣 ，下 次 買 嚟 試 吓 先！
       
       平 均 消 費 :  $5 - $6 / 位       地 址 : 大 埔 大 光 里 2A 地 舖