即拉白滑靚腸粉 2009-04-16
強記美食 ( 港式 ) 、堂記腸粉專門店 ( 廣東菜 ) 、合益泰小食 ( 港式 ) 、陳漢記 ( 港式 ) 、四眼仔腸粉 ( 港式 ) 、順興茶檔 ( 港式 ) 、德記粥品飯店 ( 港式 ) 、添好運點心專門店 ( 廣東菜 )
還記得以前《香港早晨》捲腸粉的片頭嗎？腸粉即叫即拉就最好味，將米漿蒸熟成薄皮，加入餡料摺疊起來，白滑而泛油光的熱辣辣腸粉，是早茶夜茶必備的點心；不加餡料、捲成豬腸般的齋腸，加添豉油及各式醬料，又是另一番滋味。各區各處都有不少吃腸粉的好地方，有待你去發掘。
（Cover photo by jamie2046）
有餡即拉腸粉
飲茶必點的點心，最基本的選擇是叉燒腸、蝦腸、牛肉腸，刁鑽一點有黃沙豬膶、燒鴨、魚片腸，還有食粥必點的炸両，趁熱享用。
（Photo by jamie2046）
佐敦 堂記腸粉專門店
一間甚有性格的腸粉專門店，晚上7時半後才開門，逢周三及周日又休息，但仍然晚晚爆場，皆因出品優質，腸粉厚薄得宜軟韌度適中，白滑中透現餡料，餡料比坊間特別之餘更可雙拼，例如燒鴨豬膶、鴛鴦蝦（鮮蝦及蝦米）、魚片皮蛋、叉燒臘腸等。由於即叫即拉，人多的時候閒閒地要等十多分鐘，如果淨叫腸粉等候時間會更長，所以不妨叫多碗鴨腎菜乾豬骨粥食住等。
jamie2046：d燒鴨和叉燒都係上乘的，唔會俾d賣剩蔗的下價貨色俾你，係有肉汁和新鮮的。腸粉半透明狀，滑溜，當然啦，新鮮即拉，那熱辣辣的感覺，又再加分。
zeni：整體來說，他最好的是新鮮即製及腸粉拉得夠薄&滑，其他配料也是其次，反而我喜歡他的豬骨粥多D！真材實料，大大舊豬骨，粥底煲得好綿好香果皮味！
小臣：晶瑩剔透的腸粉呈半透明狀，腸粉拉至極薄，內裡是新鮮的鯇魚片及僅熟的豬肝片，加上大量芫茜的香味，真是不枉遠道來吃。個人覺得點睛的是那甜甜的醬油，完全是兒時風味，美味回憶就此喚來。
（Photo by 蝗蟲同學）
大埔 陳漢記
陳漢記以牛雜及粥麵起家，開業已經30多年，晚市及消夜時段尤其人氣鼎盛，冬天更擠滿來吃煲仔飯的人，但其實腸粉也很出名，差不多每晚賣400碟，即叫即拉的腸粉晶瑩剔透，皮薄餡靚，更設有$19腸粉餐包飲品，經濟抵食。
蝗蟲同學：即叫即拉的關係，都等了10分鐘先有得食，0黎到果然晶瑩剔透，賣相勁靚。腸粉皮好薄好滑，黏口又帶點米香，正；牛肉餡亦唔馬虎，滑滑的，啖啖肉，加埋份量剛好的甜豉油，正！
ywjoseph928：魚片腸粉，還沒吃已經知道質素不會很差，粉皮薄得連餡料的看得到。餡料超多，很實在。魚片，醬油和蔥，根本是廣東蒸魚的點心版。粉皮又香又Q，醬油味道剛剛，不會是死咸。
SMASHING PUMPKINS：陳漢記的腸粉是即拉，要吃就要等。我的蝦腸，外表晶瑩，蝦球在腸粉皮包著之下若隱若現。粉皮有米香，吃落點點煙齦夠實淨，最怕一夾就散，彈到成件衫都係豉油。腸粉得，餡料又如何？蝦球爽口兼很鮮味，果然名不虛傳。
（Photo by bilow）
九龍城 德記粥品飯店
九龍城街市樓上有不少美食，德記是其中之一，其出品的腸粉尤其炸両很受歡迎，由於腸粉即叫即做夠軟滑，加上新鮮炸好的油炸鬼，外軟內脆，而且價錢相宜只賣$8。但想食靚炸両要看時間，12時過後油炸鬼便不新鮮甚至售罄。
cutteRMirror：腸粉香滑，但不是一味的滑，是有層次感的，令人想起手斲豬肉和用機器攪碎所做出來的肉餅的分別。上枱時，腸粉微暖，油條仍然脆口，加上豉油麻醬芝麻，哇！哇！哇！真的非常好味！！！
蝗蟲同學：外層的腸粉又薄又滑，好正，果然係「即拉」；可惜入面的油炸鬼唔係即炸，食落唔脆，不過煙煙韌韌的，都唔錯；加埋豉油，甜醬，麻醬及粒粒芝麻，簡簡單單咁已經幾好食。$8一碟，抵！
bilow：炸兩--份量雖少，但勝在新鮮即做；油條香脆，腸粉嫩滑厚度適中；唯三色醬水準不濟。
（Photo by 唔食都知唔好食）
旺角 添好運點心專門店
由前四季酒店龍景軒點心部主管開設的點心專門店，沒有龍景軒著名的龍蝦腸粉，換上大路的叉燒腸、蝦腸、豬膶腸，勝在即叫即拉，腸粉皮薄帶米香，做出水準。
唔食都知唔好食：吃腸粉最欣賞的就是那薄如蟬翼的皮，此處的做得相當不錯，見到內裡的餡料呢！而且吃下也有米香，叉燒腸的餡料當然是切粒的叉燒，但也放了茜蔥粒，使每口的感覺更香；而蝦腸也依樣葫蘆，除了有當然的原隻蝦，也放入韮黃段，提升香氣，而伴着的豉油也很香的，叫盅飯吃一定不錯。
ywjoseph928：鮮蝦腸粉，粉皮做得薄很順口，不會吃到厚厚的粉皮，口感也很好，醬油味道也不錯，只是蝦的鮮味有一點點不足，但已經比很多店做得還要好，這個值得點。
有大食大：黃沙豬膶腸的豬膶是真的起沙，而且吃下去很柔軟，不像平時吃的豬膶會很硬。腸粉也算滑，但可惜的是一碟三條腸粉的黃沙豬膶分佈不太平均，有些很多但有些卻很少，有點失敗，也是足料的。
點醬豬腸粉
欠缺了豐富的餡料，腸粉就被緊緊地捲起來成為豬腸的模樣，成為香港最受歡迎小食之一──豬腸粉，豉油、甜醬、麻醬的味道掛在腸粉身上，風味一絕。
（Photo by 素素豬）
深水埗 合益泰小食
有說合益泰的腸粉是全港之最，腸粉幼身夠滑溜，其實是自家工場炮製，甚至兼做腸粉批發，對於炮製腸粉當然有心得，它以澄麵代替石膏粉以助凝固，腸粉皮薄身又軟熟。
素素豬：腸粉滑而不黏不糊口~而甜醬豉油麻醬三者配搭得宜~阿姐姐下的份量應該準確過平常自已狂瀉那種~而且稠度剛好掛得上腸粉身~好味道！
為食奴隸獸：腸粉食落『米』氣十足，質感軟滑，而且店員給醬油毫不吝嗇，腸粉被麻醬、豉油及甜醬浸著，不過奴隸獸覺得這樣食腸粉才是最好味呢！
Lemon Tea：上檯既時候只連甜豉油，其他配料如甜醬、麻醬、芝蔴等就要自行拎檯上已有供應既逐樽逐樽加喇~腸粉本身軟滑無比，"全港最佳"受之無愧~
（Photo by ~Snoopy~）
粉嶺 四眼仔腸粉
此店是傳統港式小食店，賣腸粉、魚蛋、燒賣及豬皮，其中以腸粉水準最高，幼身的腸粉口感軟綿綿而不黏口，最特別是仍使用傳統鐵碟鋪紙盛載，令人想起兒時風味。
~Snoopy~：街頭腸粉除了腸粉要有水準外,醬汁也需要同樣出色才能吸引到食客!四眼仔的醬油濃味帶微甜,不錯!! 三色混醬也很美味,其中以辣醬較出色,帶香又不太辣的味道真可刺激食慾!! 而且年輕四眼仔下醬絕不手軟,非常慷慨!
Furnace：腸粉係熱辣辣、咬落軟綿綿之餘又唔會黏口。魚蛋亦很彈牙，燒賣則比較普通。配合各種甜醬、麻醬及甜豉油，也很可口。價錢十分便宜，腸粉每條一蚊而已，兩個大洋就有四粒燒賣或六粒魚蛋。比較手緊嘅日子，絕對可以响十蚊之內祭五臟廟。
=架架麵=：熱辣辣的腸粉，加上惹味的麻醬，甜醬以及豉油!!!很滋味呢，很耐沒有吃過腸粉了！應該是說未吃過這樣美味的腸粉，很滑！而且有說不出的不同呢！而其他配料都不錯呢！不過就以主角腸粉最為特出。
（Photo by SMASHING PUMPKINS）
大坑 順興茶檔
車仔麵在香港很普遍，但車仔腸粉就只此一家，當年香港鬧水荒，取水不容易，所以老闆想到以腸粉代替車仔麵的麵，一來慳水，二來腸粉可吸引餸菜的醬汁，結果做出名堂來。車仔料有十多款：魚蛋、豬紅、魷魚等款式，平日車仔腸粉下午兩點已售罄，想食請早。
SMASHING PUMPKINS：剪四條腸粉放底，加些蘿蔔，螺肉，豬皮，魷魚，再淋些醬油，完全是無拒無束的大雜會快感。腸粉滑溜，蘿蔔爽甜無渣，豬皮爽脆，魷魚同螺肉醃得入味。其醬汁撈上腸粉，比撈麻醬甜醬好吃不知多少倍。如果路過大坑，不能錯過。
Betty Lam：車仔腸粉要自己出去選餸的，正！我可以睇下有咩正嘢，要左大腸、魚蛋、蘿蔔、牛腩，好好味。d腸粉好實淨，唔似其他店的，好味！男友話d汁個味係小時候的味道，加麵應該好正，下次試下。
LW：叫了招牌車仔腸粉，覺得幾好食。后來第二次食，才見到后面是牌檔，原來第一次食的都是正貨。服務不錯，價錢相宜。車仔配料好正，牛雜，豬紅，蘿卜都很好食，也覺得奶茶有茶味。
（Photo by Bae Yong Jun）
灣仔 強記美食
強記除了糯米飯馳名，腸粉也有捧場客，這裡用上帶蔥花的腸粉，客人點叫後把腸粉煎香，加上豉油、甜醬、麻醬、辣醬及芝麻，一口咬下脆口又軟熟。
Bae Yong Jun：煎腸粉─因炒得剛好，所以質地軟熟，配合炒過既芝麻很香。
FL：每次來都會叫煎腸粉，因為腸粉煎得特別香，特別脆口，加上甜醬、麻醬、辣醬和芝麻，味道一流，口感亦佳。
阿丸：我十二點二去到，糯米飯，未有得食，店員說要半個鐘後。唯有只食煎腸囉...真係好滑、好有鑊氣！諗起都好想再食。$11係賣功夫架！
（Cover photo by jamie2046）
有餡即拉腸粉
飲茶必點的點心，最基本的選擇是叉燒腸、蝦腸、牛肉腸，刁鑽一點有黃沙豬膶、燒鴨、魚片腸，還有食粥必點的炸両，趁熱享用。
（Photo by jamie2046）
佐敦 堂記腸粉專門店
一間甚有性格的腸粉專門店，晚上7時半後才開門，逢周三及周日又休息，但仍然晚晚爆場，皆因出品優質，腸粉厚薄得宜軟韌度適中，白滑中透現餡料，餡料比坊間特別之餘更可雙拼，例如燒鴨豬膶、鴛鴦蝦（鮮蝦及蝦米）、魚片皮蛋、叉燒臘腸等。由於即叫即拉，人多的時候閒閒地要等十多分鐘，如果淨叫腸粉等候時間會更長，所以不妨叫多碗鴨腎菜乾豬骨粥食住等。
jamie2046：d燒鴨和叉燒都係上乘的，唔會俾d賣剩蔗的下價貨色俾你，係有肉汁和新鮮的。腸粉半透明狀，滑溜，當然啦，新鮮即拉，那熱辣辣的感覺，又再加分。
zeni：整體來說，他最好的是新鮮即製及腸粉拉得夠薄&滑，其他配料也是其次，反而我喜歡他的豬骨粥多D！真材實料，大大舊豬骨，粥底煲得好綿好香果皮味！
小臣：晶瑩剔透的腸粉呈半透明狀，腸粉拉至極薄，內裡是新鮮的鯇魚片及僅熟的豬肝片，加上大量芫茜的香味，真是不枉遠道來吃。個人覺得點睛的是那甜甜的醬油，完全是兒時風味，美味回憶就此喚來。
（Photo by 蝗蟲同學）
大埔 陳漢記
陳漢記以牛雜及粥麵起家，開業已經30多年，晚市及消夜時段尤其人氣鼎盛，冬天更擠滿來吃煲仔飯的人，但其實腸粉也很出名，差不多每晚賣400碟，即叫即拉的腸粉晶瑩剔透，皮薄餡靚，更設有$19腸粉餐包飲品，經濟抵食。
蝗蟲同學：即叫即拉的關係，都等了10分鐘先有得食，0黎到果然晶瑩剔透，賣相勁靚。腸粉皮好薄好滑，黏口又帶點米香，正；牛肉餡亦唔馬虎，滑滑的，啖啖肉，加埋份量剛好的甜豉油，正！
ywjoseph928：魚片腸粉，還沒吃已經知道質素不會很差，粉皮薄得連餡料的看得到。餡料超多，很實在。魚片，醬油和蔥，根本是廣東蒸魚的點心版。粉皮又香又Q，醬油味道剛剛，不會是死咸。
SMASHING PUMPKINS：陳漢記的腸粉是即拉，要吃就要等。我的蝦腸，外表晶瑩，蝦球在腸粉皮包著之下若隱若現。粉皮有米香，吃落點點煙齦夠實淨，最怕一夾就散，彈到成件衫都係豉油。腸粉得，餡料又如何？蝦球爽口兼很鮮味，果然名不虛傳。
（Photo by bilow）
九龍城 德記粥品飯店
九龍城街市樓上有不少美食，德記是其中之一，其出品的腸粉尤其炸両很受歡迎，由於腸粉即叫即做夠軟滑，加上新鮮炸好的油炸鬼，外軟內脆，而且價錢相宜只賣$8。但想食靚炸両要看時間，12時過後油炸鬼便不新鮮甚至售罄。
cutteRMirror：腸粉香滑，但不是一味的滑，是有層次感的，令人想起手斲豬肉和用機器攪碎所做出來的肉餅的分別。上枱時，腸粉微暖，油條仍然脆口，加上豉油麻醬芝麻，哇！哇！哇！真的非常好味！！！
蝗蟲同學：外層的腸粉又薄又滑，好正，果然係「即拉」；可惜入面的油炸鬼唔係即炸，食落唔脆，不過煙煙韌韌的，都唔錯；加埋豉油，甜醬，麻醬及粒粒芝麻，簡簡單單咁已經幾好食。$8一碟，抵！
bilow：炸兩--份量雖少，但勝在新鮮即做；油條香脆，腸粉嫩滑厚度適中；唯三色醬水準不濟。
（Photo by 唔食都知唔好食）
旺角 添好運點心專門店
由前四季酒店龍景軒點心部主管開設的點心專門店，沒有龍景軒著名的龍蝦腸粉，換上大路的叉燒腸、蝦腸、豬膶腸，勝在即叫即拉，腸粉皮薄帶米香，做出水準。
唔食都知唔好食：吃腸粉最欣賞的就是那薄如蟬翼的皮，此處的做得相當不錯，見到內裡的餡料呢！而且吃下也有米香，叉燒腸的餡料當然是切粒的叉燒，但也放了茜蔥粒，使每口的感覺更香；而蝦腸也依樣葫蘆，除了有當然的原隻蝦，也放入韮黃段，提升香氣，而伴着的豉油也很香的，叫盅飯吃一定不錯。
ywjoseph928：鮮蝦腸粉，粉皮做得薄很順口，不會吃到厚厚的粉皮，口感也很好，醬油味道也不錯，只是蝦的鮮味有一點點不足，但已經比很多店做得還要好，這個值得點。
有大食大：黃沙豬膶腸的豬膶是真的起沙，而且吃下去很柔軟，不像平時吃的豬膶會很硬。腸粉也算滑，但可惜的是一碟三條腸粉的黃沙豬膶分佈不太平均，有些很多但有些卻很少，有點失敗，也是足料的。
點醬豬腸粉
欠缺了豐富的餡料，腸粉就被緊緊地捲起來成為豬腸的模樣，成為香港最受歡迎小食之一──豬腸粉，豉油、甜醬、麻醬的味道掛在腸粉身上，風味一絕。
（Photo by 素素豬）
深水埗 合益泰小食
有說合益泰的腸粉是全港之最，腸粉幼身夠滑溜，其實是自家工場炮製，甚至兼做腸粉批發，對於炮製腸粉當然有心得，它以澄麵代替石膏粉以助凝固，腸粉皮薄身又軟熟。
素素豬：腸粉滑而不黏不糊口~而甜醬豉油麻醬三者配搭得宜~阿姐姐下的份量應該準確過平常自已狂瀉那種~而且稠度剛好掛得上腸粉身~好味道！
為食奴隸獸：腸粉食落『米』氣十足，質感軟滑，而且店員給醬油毫不吝嗇，腸粉被麻醬、豉油及甜醬浸著，不過奴隸獸覺得這樣食腸粉才是最好味呢！
Lemon Tea：上檯既時候只連甜豉油，其他配料如甜醬、麻醬、芝蔴等就要自行拎檯上已有供應既逐樽逐樽加喇~腸粉本身軟滑無比，"全港最佳"受之無愧~
（Photo by ~Snoopy~）
粉嶺 四眼仔腸粉
此店是傳統港式小食店，賣腸粉、魚蛋、燒賣及豬皮，其中以腸粉水準最高，幼身的腸粉口感軟綿綿而不黏口，最特別是仍使用傳統鐵碟鋪紙盛載，令人想起兒時風味。
~Snoopy~：街頭腸粉除了腸粉要有水準外,醬汁也需要同樣出色才能吸引到食客!四眼仔的醬油濃味帶微甜,不錯!! 三色混醬也很美味,其中以辣醬較出色,帶香又不太辣的味道真可刺激食慾!! 而且年輕四眼仔下醬絕不手軟,非常慷慨!
Furnace：腸粉係熱辣辣、咬落軟綿綿之餘又唔會黏口。魚蛋亦很彈牙，燒賣則比較普通。配合各種甜醬、麻醬及甜豉油，也很可口。價錢十分便宜，腸粉每條一蚊而已，兩個大洋就有四粒燒賣或六粒魚蛋。比較手緊嘅日子，絕對可以响十蚊之內祭五臟廟。
=架架麵=：熱辣辣的腸粉，加上惹味的麻醬，甜醬以及豉油!!!很滋味呢，很耐沒有吃過腸粉了！應該是說未吃過這樣美味的腸粉，很滑！而且有說不出的不同呢！而其他配料都不錯呢！不過就以主角腸粉最為特出。
（Photo by SMASHING PUMPKINS）
大坑 順興茶檔
車仔麵在香港很普遍，但車仔腸粉就只此一家，當年香港鬧水荒，取水不容易，所以老闆想到以腸粉代替車仔麵的麵，一來慳水，二來腸粉可吸引餸菜的醬汁，結果做出名堂來。車仔料有十多款：魚蛋、豬紅、魷魚等款式，平日車仔腸粉下午兩點已售罄，想食請早。
SMASHING PUMPKINS：剪四條腸粉放底，加些蘿蔔，螺肉，豬皮，魷魚，再淋些醬油，完全是無拒無束的大雜會快感。腸粉滑溜，蘿蔔爽甜無渣，豬皮爽脆，魷魚同螺肉醃得入味。其醬汁撈上腸粉，比撈麻醬甜醬好吃不知多少倍。如果路過大坑，不能錯過。
Betty Lam：車仔腸粉要自己出去選餸的，正！我可以睇下有咩正嘢，要左大腸、魚蛋、蘿蔔、牛腩，好好味。d腸粉好實淨，唔似其他店的，好味！男友話d汁個味係小時候的味道，加麵應該好正，下次試下。
LW：叫了招牌車仔腸粉，覺得幾好食。后來第二次食，才見到后面是牌檔，原來第一次食的都是正貨。服務不錯，價錢相宜。車仔配料好正，牛雜，豬紅，蘿卜都很好食，也覺得奶茶有茶味。
（Photo by Bae Yong Jun）
灣仔 強記美食
強記除了糯米飯馳名，腸粉也有捧場客，這裡用上帶蔥花的腸粉，客人點叫後把腸粉煎香，加上豉油、甜醬、麻醬、辣醬及芝麻，一口咬下脆口又軟熟。
Bae Yong Jun：煎腸粉─因炒得剛好，所以質地軟熟，配合炒過既芝麻很香。
FL：每次來都會叫煎腸粉，因為腸粉煎得特別香，特別脆口，加上甜醬、麻醬、辣醬和芝麻，味道一流，口感亦佳。
阿丸：我十二點二去到，糯米飯，未有得食，店員說要半個鐘後。唯有只食煎腸囉...真係好滑、好有鑊氣！諗起都好想再食。$11係賣功夫架！
No comments:
Post a Comment