食肆短評 - 28

天扶良：D 嘢 ok 但偏貴，四人同行，魚生五款、海膽、天婦羅四款 (蝦、鮑魚、南瓜、??)、牛肉烏東、稻亭烏東，埋單三千一。

金峰靚靚粥麵：米皇不俗，綿中偏淡，見瑤柱腐竹。油器腸粉即炸即拉，滿意！

樂意粉麵：牛腩普普通通，夠平，可去可不去。

牛扒食材專門店：US Rib Eye $150 lb，店內並不是有太多選擇。買滿 $1000 有送貨但冇扒類獨立真空包裝。另見美國穀 fed 豬扒 ( $7 100g)、日本黑豚 ($42 100g)、翡翠螺 ( 一打 $75)、匈牙利鵝肝有售。價錢合理，可一試。

Amour Cafe： 午市套餐 $39 包湯 (金寶湯)、意粉、芝士餅、凍飲。意粉熱騰騰，份量輕型合女仕。咁嘅價錢，不能再呵求了！環境像 Rosé Home Kitchen 但較混亂，店內有雜誌睇，小 hea 之地。