豬肝醬充鵝肝醬賣 食神搵老襯

2011年12月26日
【本報訊】以食神梁文韜為生招牌的大榮華酒樓，近日推出一款罐裝「鵝肝醬」，以大平賣益食家作招徠，吸引不少愛「鵝肝」一族幫襯。不過有市民買回家後，一嚐味道發現只有豬膶味，細看罐上的成份標籤，原來只有豬肝沒有鵝肝，大呻被韜韜誤導。
記者：邱錦綉、黃江奇

一向愛吃鵝肝的朗程，知道媽媽在九龍灣大榮華圍村菜買了一罐韜韜推介的「鵝肝醬」，即急不及待揭開蓋，但一打 開只聞到強烈豬膶味，一嚐更大呼「點解冇鵝肝味嘅！」其母也嚐了一口︰「係喎，明明間酒樓個餐牌大大隻字寫住鵝肝醬㗎？真係搵笨！如果知道係豬膶，我就唔 用 25蚊去買啦！」

放大圖片

出產自丹麥的 DAK肝醬（右圖），成份只有豬肝，但灣仔大榮華卻稱它為「鵝肝醬」（圖）。

放大圖片

每罐$25有梳打餅送

朗程於是細看罐上的英文標籤，發現成份只有豬肝。他說媽媽不懂英文，純粹信韜韜這個生招牌，雖然 25元只是小數，他不甘被誤導：「豬肝同鵝肝係兩回事，你明明係豬肝醬點解要寫鵝肝醬？」
大榮華酒樓共有三間分店，九龍灣分店位於宏開道 8號其士商業中心 1樓。記者甫坐下，即被一張過了膠的黃色餐牌吸引，上面寫着「韜韜又有好介紹超值益食家 DAK肝醬每罐特價 25元」。
餐牌上並沒有朗程所說的「鵝肝醬」，於是問侍應甚麼是「 DAK肝醬」，對方笑笑口說︰「係鵝肝醬，家好抵，仲有梳打餅送，都係 25蚊罐，你一陣去櫃枱買，唔使加一。」
就在這時，食神韜韜現身酒樓巡視業務，記者趁機問他︰「你最新推介嗰隻鵝肝醬好唔好食？」他摸摸招牌大肚，笑嘻嘻說︰「隻鵝肝醬攞嚟做鯪魚球好食呀！（要唔要煮？）唔使煮，就咁搽餅乾咋嘛。」記者之後到櫃枱買了兩罐，並拿着寫了「鵝肝醬」的單據，到廚房取貨。
職員拿來兩罐叫「 DAK Paté de Foie」的罐頭來，單從罐面很難知道是甚麼醬，只知道罐頭的原產地為丹麥。罐頭側面清楚列明成份為豬肝，水，食鹽，洋葱粉和蛋白質等。
記者稍後再到灣仔史釗域道的分店，發現該店餐枱同樣放了顯眼的宣傳餐牌，但餐牌變了粉紅色，而且寫着「鵝肝醬」，而非「 DAK肝醬」。最搞笑是，元朗大榮華總店也放了相同餐牌，但就在「鵝」字上貼上「 DAK」遮掩。

放大圖片

元朗大榮華總店（右圖）也放了相同餐牌，但就在「鵝」字上貼上「 DAK」（圖）遮掩。

放大圖片

被追問食神發晦氣

記者致電韜韜查問，他初時矢口否認︰「唔係鵝肝，係肝醬。你去惠康買 20.9，細細罐三花都 20.9，其實呢罐仲大罐，我哋又唔係欺騙人哋……點會係鵝肝醬，多餘！」不過當記者表示親眼目睹餐牌寫着「鵝肝醬」時，他即時發晦氣︰「得啦！咁我叫佢 收晒唔賣，哎！老實講，呢啲係俾人嘅小食， 25蚊一罐，點會係鵝肝醬呀…… DAK肝醬係絕對啱，我賣 250蚊一罐就話啫！」
記者發現網上不少公司有代理銷售 DAK肝醬，售價為 310元人民幣一箱，每箱四十八罐，即一罐的價錢不足 7元人民幣（約 8.5港幣）。