渣甸山小廚 - 渣甸山 (胃食妹日誌 )

有富貴食友帶我地去佢富貴飯堂食飯. 平日一定係會員先可以去食飯,不過食店都好好人,俾左免費會藉我地!!!!! 唔簡單架!!!! 講番食物唔錯,服務亦好好,值得再黎!

睇個樣都好靚!

五香牛展 - 鹵水香,夠入味.

乾煎茄子 - 炸得極之乾身又鬆脆,完全唔油膩,超水準. 茄子本來係吸油,但食落完全唔覺.
海蜇 - 爽口.
椒鹽豆腐粒 - 外脆內軟,炸功了得.

煎釀虎皮椒 - 有辣有唔辣,大家都食得好過癮!!

葡汁焗蟹蓋 - 葡汁好有椰香,蟹肉鮮味又填得飽滿,落足料!!

八寶冬瓜盅 - 湯底清甜美味,消暑佳品.
楓葉蜜餞羊鞍 - 羊鞍有羶味又夠蜜味,配合得十分唔錯!

竹笙釀銀絲 - 本來高級版係釀燕窩,不過我地啲平民食唔起,改食粉絲. 不過想像要釀入粉絲都一啲都唔容易. 而且味道十分唔錯.
八珍扒鴨 - 炆得又腍又入味,材料豐富!!
蔥油脆皮雞 - 食完累鴨仲食雞,真係好飽呀!! 不過雞肉嫩滑,忍唔住都要繼續食.
皇子甫魚飯 - 美味,美味. 不過真係飽喇!!
鮑汁瑤柱炆伊麵 - 只可食到幾條,不過食得出好乾爽唔油膩,唔錯.
杏汁萬壽果 - 太飽喇. 不過木瓜杏仁茶咁新鮮點可以唔食呀. 都幾夾喎!!