危險速逃 - 4

居 酒 屋 開 飯 一 肚 火

雖 然 家 出 街 食 飯 乜 都 貴 ， 但 放 工 都 會 約 埋 幾 個 姊 妹 搵 間 高 檔 食 肆 食 飯 ， 講 女 同 事 是 非 ， 邊 個 男 同 事 靚 仔 ， 減 壓 ， 貴 都 值 得 。 點 知 早 幾 日 一 次 姊 妹 飯 局 ， 食 到 一 肚 火 。
話 說 當 晚 七 點 幾 小 妹 一 行 三 人 去 灣 仔 莊 士 敦 道 一 間 樓 上 中 高 檔 日 本 居 酒 屋 ， 小 妹 一 早 訂 位 ， 點 知 上 到 去 竟 然 安 排 我 坐 吧 ， 仲 要 對 住 個 洗 手 盆 同 烤 爐 ， 排 排 坐 固 然 傾 唔 倒 偈 ， 廚 師 度 洗 手 洗 碗 ， 見 到 都 唔 開 胃 ， 又 驚 水 彈 埋 。
我 食 食 仲 目 擊 一 件 惡 心 事 ， 見 到 其 中 一 個 師 傅 度 燒 粟 米 ， 燒 到 香 噴 噴 ， 點 知 個 師 傅 可 能 覺 得 條 粟 米 熱 得 滯 ， 見 佢 隨 手 拎 塊 布 住 條 粟 米 ， 然 後 用 刀 將 粟 米 切 開 一 半 。 唔 係 掛 ！ 我 見 佢 之 前 塊 布 抹 灶 頭 ， 有 冇 抹 地 就 唔 知 ， 見 到 咁 情 況 ， 我 三 姊 妹 即 場 Ｏ 晒 嘴 ， 望 住 面 前 碟 百 幾 蚊 一 件 吞 拿 魚 腩 壽 司 ， 都 唔 知 食 唔 食 好 。

暗 示 有 客 快 埋 單

冇 晒 胃 口 唔 在 講 ， 最 搞 笑 係 我 都 未 埋 單 ， 侍 應 就 張 單 叫 我 找 數 ， 又 用 眼 望 一 望 門 口 等 位 人 龍 ， 暗 示 有 客 叫 我 走 。 ， 今 時 今 日 仲 係 咁 服 務 態 度 ， 仲 唔 係 平 ， 小 妹 以 後 都 唔 會 再 幫 趁 。

疑似食店

榮壽司 Sushi Sakae

6 vs 6 vs 16

火浦和日本料理 Urawa Japanese Restaurant

5 vs 7 vs 3

誠日本料理 Makoto Japanese Restaurant

2 vs 0 vs 2