瑞記咖啡

睇到網上照片此家用玉泉忌廉汽水樽裝凍奶茶，決定一試。扶手電梯兩層，入口右方。Order 咗蛋牛治烤底大火多油和凍奶茶。奶茶甜味濃淡適中，頗合胃口。多士不合格，然而蛋牛中混有葱花，入口帶香，不俗。此家蛋牛不像有些店舖狂加牛但少蛋，搞到成份嘢好似 Triple O 咁樣，欠一份內涵。負責落單嘅亞伯頗有 <<逃學威龍>> 曾 Sir feel ，外賣眾多時宜自備紙筆，以減省重覆落單之膩。然而枱枱都有漏單之時，各人總是笑咪咪，或許這正是香港人可愛內儉的性格。有時食嘢除了好唔好味，抵唔抵食之外，食客可從其烹調中看到生活經驗嘅點滴，帶着欣賞的眼光，感受一吓，人亦自然輕鬆 D 開心 D。是次消費 $19。

老 字 號 一 個 人 在 途 上 　 瑞 記 咖 啡 (atnextmotor)



Click to see